ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ବର୍ତ୍ତମାନ ଉତ୍କଳ ବିଶ୍ଵବିଦ୍ୟାଳୟ ହଷ୍ଟେଲ ବନ୍ଦ ହେବ ନାହିଁ । ଆଗକୁ କରୋନା ପରିସ୍ଥିତିକୁ ଦେଖି ଏନେଇ ନିଷ୍ପତି ନିଆଯିବ । ତେବେ ଏନେଇ ସୂଚନା ଦେଇଛନ୍ତି ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ । କରୋନା ଗାଇଡଲାଇନ୍ କୁ ପାଳନ କରି ରହିବାକୁ ଛାତ୍ରଛାତ୍ରୀଙ୍କୁ ପରାମର୍ଶ ଦେଇଛନ୍ତି ।
ରାଜ୍ୟରେ କରୋନା ସଂକ୍ରମଣ ବୃଦ୍ଧିକୁ ନଜରରେ ରଖି ଭୁବନେଶ୍ବର ମହାନଗର ନିଗମ ପକ୍ଷରୁ ରାଜଧାନୀର ବିଭିନ୍ନ ସରକାର ଓ ବେସରକାରୀ କଲେଜ , ମହାବିଦ୍ୟାଳୟର ଛାତ୍ରଛାତ୍ରୀଙ୍କ ହଷ୍ଟେଲ ଛାଡିବା ପାଇଁ ନୋଟିସ୍ ଜାରି କରାଯାଇଥିଲା । ଯାହାକୁ ତୀବ୍ର ବିରୋଧ କରିଥିଲେ ଉତ୍କଳ ବିଶ୍ବବିଦ୍ୟାଳୟର ଛାତ୍ରଛାତ୍ରୀମାନେ । ଶହ ଶହ ଛାତ୍ରଛାତ୍ରୀ ବିରୋଧ କରିବା ବେଳେ ମୁଖ୍ୟ ଫାଟକକୁ ବନ୍ଦ କରିବା ସହ ଜାତୀୟ ରାଜପଥକୁ ମଧ୍ୟ ଅବରୋଧ କରିଥିଲେ । ତେବେ ବିଏମ୍ସି କରୋନା ସଂକ୍ରମଣ ପାଇଁ ୧୨ ସୁଦ୍ଧା ୪ର୍ଥ ସେମିଷ୍ଟର ପିଲାମାନଙ୍କୁ ହଷ୍ଟେଲ ଛାଡିବାକୁ ପିଲାମାନଙ୍କୁ ନିର୍ଦ୍ଦେଶ ଦେଇଥିଲା । ସେହିପରି ୧୬ ସୁଦ୍ଧା ପ୍ରଥମ ସେମିଷ୍ଟାର ପିଲାଙ୍କୁ ହଷ୍ଟେଲ ଛାଡିବାକୁ ନିର୍ଦ୍ଦେଶ ଦେଇଥିଲା । କରୋନା ଆଳରେ ଶିକ୍ଷାନୁଷ୍ଠାନ ବନ୍ଦ ନ କରିବା ଦାବି କରିଥିଲେ ଛାତ୍ରଛାତ୍ରୀ ।
