ସନ୍ଷ୍ଟାର ଟିଭି ବ୍ୟୁରୋ
ଚେନ୍ନାଇ: ଆଜିଠୁ ଆରମ୍ଭ ହେବ ଭାରତର ସବୁଠୁ ଲୋକପ୍ରିୟ ଟି- ୨୦ ସିରିଜ୍ ଇଣ୍ଡିଆନ୍ ପ୍ରିମିୟର ଲିଗ୍ ତଥା ଆଇପିଏଲ୍ । । ଆଇପିଏଲର ଆଜିର ଏହି ୧୪ ତମ ସଂସ୍କରଣ ସିରିଜର ଉଦ୍ଘାଟନୀ ମ୍ୟାଚ୍ରେ ମୁହାଁମୁହିଁ ହେବେ ରୋହିତ୍ ଶର୍ମାଙ୍କ ମୁମ୍ଵାଇ ଇଣ୍ଡିଆନ୍ସ ଓ ବିରାଟ୍ କୋହଲିଙ୍କ ରୋୟାଲ୍ ଚାଲେଞ୍ଜର୍ସ ବାଙ୍ଗାଲୋର୍ ଟିମ୍ । ସନ୍ଧ୍ୟା ୭ ଟା ୩୦ ସମୟରେ ଏହି ଆଇପିଏଲ୍ ୧୪ ତମ ସଂସ୍କରଣର ଉଦ୍ଘାଟନୀ ମ୍ୟାଚ୍ ଚେନ୍ନାଇରେ ହେବ । କରୋନା ମଧ୍ୟରେ ମାତ୍ର ୫ ମାସ ମଧ୍ୟରେ ଦ୍ଵିତୀୟ ଆଇପିଏଲ୍ ମ୍ୟାଚ୍ ଅନୁଷ୍ଠିତ ହେବାକୁ ଯାଉଛି ।ତେବେ ଚଳିତ ବର୍ଷ ଗ୍ୟାଲେରୀରେ ଶୁଣାଯିବନି ଦର୍ଶକଙ୍କ ହୋହାଲ୍ଲା ।
ଆଇପିଏଲରେ ଆରସିବି ଓ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଏବେ ସୁଦ୍ଧା ଖେଳାଯାଇଥିବା ୨୯ ମ୍ୟାଚ୍ ମଧ୍ୟରୁ ମୁମ୍ବାଇ ଇଣ୍ଡିଆନ୍ସ ୧୯ ଥର ବାଜି ମାରିଥିବାବେଳେ ଆରସିବି ୧୦ଟି ମ୍ୟାଚ୍ ଜିତିବାରେ ସଫଳ ହୋଇଛି । ଶୁକ୍ରବାର ଭାରତୀୟ ସମୟ ସନ୍ଧ୍ୟା ୭ଟାରେ ଆରମ୍ଭ ହେବ ମ୍ୟାଚ୍ । କରୋନା କଟକଣା ଭିତରେ ଦେଶର ୬ଟି ଷ୍ଟାଡିୟମରେ ଚଳିତବର୍ଷ ଖେଳାଯିବ ଆଇପିଏଲ । ଏଥର ଆଇପିଏଲ୍ ମ୍ୟାଚ୍ ଚେନ୍ନାଇ, ମୁମ୍ବାଇ, ଅହମ୍ମଦାବାଦ, ବେଙ୍ଗାଲୁରୁ, କୋଲକାତା ଓ ଦିଲ୍ଲୀରେ ଖେଳାଯିବ । ଆଇପିଏଲ୍ ପ୍ରଶଂସକ ମୋବାଇଲ ଓ ଟିଭିରେ ମ୍ୟାଚ ଦେଖିପାରିବେ । ସାତ ସପ୍ତାହ ଧରି ହେବାକୁ ଥିବା ଏହି ମ୍ୟାଚ୍ ପ୍ରଶଂସକଙ୍କ ପାଇଁ ବେଶ୍ ଉତ୍କଣ୍ଠାଜନକ ରହିବ ।
