ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ଓଡ଼ିଶାରେ ନିର୍ମାଣ ହେବାକୁ ଯାଉଛି ବିଶ୍ୱ ସ୍ତରୀୟ ଫିଲ୍ମିସିଟି । ପ୍ରାୟ ୨୦ ହଜାର କୋଟି ଟଙ୍କା ବିନିଯୋଗ ହୋଇ ଏହି ଫିଲ୍ମସିଟି ନିର୍ମାଣ ହେବ । ଚିଲିକା ନିକଟ ୬୫୦ ଏକର ଜମିରେ ନିର୍ମାଣ ହେବାକୁ ଯାଉଛି ଏହି ଫିଲ୍ମିସିଟି ।ବଲିଉଡ଼ରେ ପ୍ରସିଦ୍ଧି ଆକ୍ଟର ଜୟ ମୁଖାର୍ଜୀଙ୍କ ସାନଭାଇ ସୁଜୟ ମୁଖାର୍ଜୀ ଏହି ଷ୍ଟୁଡିଓ ନିର୍ମାଣ କରିବେ । ଭାରତର ବିଭିନ୍ନ ସ୍ଥାନରେ ସୁଜୟଙ୍କର ଅନେକ ସିନେମା ନିର୍ମାଣ କରାଯାଉଥିବା ଷ୍ଟୁଡିଓ ରହିଛି ।
ଓଡ଼ିଶାରେ ପ୍ରାକୃତିକ ପରିବେଶରେ ଏକ ବିଶ୍ୱସ୍ତରୀୟ ସୁବିଧା ସୁଯୋଗ ଥିବା ଷ୍ଟୁଡ଼ିଓ ନିର୍ମାଣ କରିବାକୁ ତାଙ୍କ କମ୍ପାନୀ ସିଦ୍ଧାନ୍ତ ଗ୍ରହଣ କରିଛି । ଏଥିରେ ଭାରତର ସମସ୍ତ ଜଣାଶୁଣା ସ୍ଥାନ ସହିତ ବିଦେଶର ମଧ୍ୟ ସେଟ୍ ପ୍ରସ୍ତୁତ କରାଯିବ । ଷ୍ଟୁଡିଓ ଭିତରେ ଗାଁ ଠାରୁ ଆରମ୍ଭକରି ଏୟାରପୋର୍ଟ, ହେଲିପ୍ୟାଡ୍, ରେଳ ଷ୍ଟେସନ, ଷ୍ଟାର ହୋଟେଲ ସହିତ ସମସ୍ତ ସୁବିଧା ରହିବ । ଗୋଟିଏ ସ୍ଥାନରେ ୧୦୦ ଜଣ ସେଲିବ୍ରିଟିକୁ ରହିବାର ମଧ୍ୟ ସୁବିଧା ରହିବ ।
