ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ବର: ଓଲିଉଡ୍ ଜଗତର ସୁପରଷ୍ଟାର ବାବୁସାନ ମହାନ୍ତିଙ୍କ ଘରେ ଖୁସିର ଲହରୀ ଖେଳିଯାଇଛି । ବାପା ହେଇଛନ୍ତି ବାବୁସାନ । ମଙ୍ଗଳବାର ସନ୍ଧ୍ୟାରେ ଭୁବନେଶ୍ୱରର ଏକ ଘରୋଇ ହସ୍ପିଟାଲ୍ରେ ବାବୁସାନଙ୍କ ପତ୍ନୀ ତୃପ୍ତିଙ୍କ ଔରସରୁ ପୁତ୍ର ସନ୍ତାନ ଜନ୍ମ ହୋଇଛି । ଯାହାକୁ ନେଇ ଉତ୍ତମ ମହାନ୍ତି, ଅପରାଜିତା ମହାନ୍ତି ଓ ବାବୁସାନ ଖୁବ୍ ଖୁସି ଅଛନ୍ତି । ସୋସିଆଲ୍ ମିଡିଆରେ ତାଙ୍କୁ ଶିଶୁ ପୁତ୍ର ସହିତ ବାବୁସାନଙ୍କ ଫଟୋ ବେଶ୍ ଭାଇରାଲ୍ ହେବାରେ ଲାଗିଛି ।ଏହାକୁ ଦେଖିବା ପରେ ଓଲିଉଡରୁ ଆରମ୍ଭ କରି ବିଭିନ୍ନ କ୍ଷେତ୍ରରୁ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିଛି ।
ବାବୁସାନ ଗତ ୨୦୧୪ ମସିହାରେ ବାନ୍ଧବୀ ତୃପ୍ତି ଶତପଥୀଙ୍କୁ ବିବାହ କରିଥିଲେ । ବାବୁସାନ ନିଜ ଫ୍ୟାନ ମାନଙ୍କୁ ଅନେକ ସୁପରହିଟ୍ ମୁଭି ଭେଟି ଦେଇଛନ୍ତି । ରୋମିଓ – ଦ ଲଭର୍ ବଏ, ସୁପର ମିଛୁଆ, ଯିଏ ଯାହା କହୁ ଆମର ଢୋ, ଲଭ୍ ଷ୍ଟେସନ, ଲୋକାଲ୍ ଟୋକା ଲଭ୍ ଚୋଖା, ଲଭ୍ ପାଇଁ କୁଛ୍ଭି କରେଗା, ଗୋଲ ମାଲ୍ ଲଭ୍, ଲୋଫର୍ ପରି ଅନେକ ମୁଭି ଦର୍ଶକମାନଙ୍କୁ ଖୁବ୍ ମନୋରଞ୍ଜନ କରିଥାଏ ।
