ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ବର : ଏପ୍ରିଲ ୨୨ରୁ ଆରମ୍ଭ ହେବାକୁ ଯାଉଛି ନବମ ଶ୍ରେଣୀ ବାର୍ଷିକ ପରୀକ୍ଷା । ରାଜ୍ୟ ସରକାର ଓ ମାଧ୍ୟମିକ ଶିକ୍ଷା ପରିଷଦ(ବିଏସ୍ଇ)ଙ୍କ ସହ ଆଲୋଚନା ପରେ ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ(ଓଷ୍ଟା) ସମସ୍ତ ବିଦ୍ୟାଳୟରେ ପରୀକ୍ଷା କରିବାକୁ ନିଷ୍ପତ୍ତି ନେଇଛି । ଏହି ପରୀକ୍ଷା ଏପ୍ରିଲ୍ ୨୨ରୁ ୨୪ ପର୍ଯ୍ୟନ୍ତ ଦୁଇଟି ସିଟିଂରେ ୬ଟି ବିଷୟର ପରୀକ୍ଷା କରାଯିବ।
ସକାଳ ୭ଟାରୁ ୯ଟା ପର୍ଯ୍ୟନ୍ତ ପ୍ରଥମ ଏବଂ ପୂର୍ବାହ୍ନ ୯ଟା ୩୦ରୁ ୧୧ଟା ୩୦ ପର୍ଯ୍ୟନ୍ତ ଦ୍ବିତୀୟ ସିଟିଂ ପରୀକ୍ଷା ହେବ। ୨୨ ତାରିଖରେ ପ୍ରଥମ ଭାଷା ଓ ବିଜ୍ଞାନ, ୨୩ ତାରିଖରେ ଦ୍ବିତୀୟ ଭାଷା ଓ ସାମାଜିକ ବିଜ୍ଞାନ, ୨୪ ତାରିଖରେ ଗଣିତ ଓ ତୃତୀୟ ଭାଷାର ପରୀକ୍ଷା ଅନୁଷ୍ଠିତ ହେବ। ବିଏସ୍ଇ ପାର୍ଟନ ଅନୁଯାୟୀ ପରୀକ୍ଷା କରାଯିବ। ଯେଉଁ ବିଦ୍ୟାଳୟ ଏହି ପରୀକ୍ଷାରେ ସାମିଲ ହେବାକୁ ଚାହିଁବେ ସେମାନେ ଇଣ୍ଡେଣ୍ଟ ପ୍ରୋଫର୍ମାକୁ ଓଷ୍ଟା ଅଫିସ୍କୁ ଡାକଯୋଗେ ନ ହେଲେ ଇ-ମେଲ୍‘[email protected]’ ମାଧ୍ୟମରେ ପଠାଇପାରିବେ।
