ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ଗତକାଲି ୧୬ ନମ୍ଵର ମୋ ବସ୍ରେ ଜଣେ ଯାତ୍ରୀ ଯିବା ସମୟରେ ସାମାନ୍ୟ ଝଗଡାକୁ କେନ୍ଦ୍ର କରି ମୋ ବସ୍ କର୍ମଚାରୀ ସେହି ଯାତ୍ରୀ ଜଣଙ୍କୁ ଠେଲି ଦେଇଥିବା କଥା ଜୋର ଧରିଥିଲା । ନିଜେ ଯାତ୍ରୀ ଜଣଙ୍କ ଏନେଇ ଅଭିଯୋଗ ଆଣିଥିଲେ । ତେବେ ସେହି ଘଟଣାର ଆଜି ସିସିଟିଭି ଫୁଟେଜ୍ ଜାରି କରିଛି କ୍ରୁଟ୍ । ବସ କର୍ମଚାରୀଙ୍କ ବିରୋଧରେ ଆସିଥିବା ଅଭିଯୋଗକୁ ମିଥ୍ୟା ବୋଲି କ୍ରୁଟ୍ ସୂଚନା ଦେଇଛି । ଆହତ ନିର୍ମଳେନ୍ଦୁ ପରିଡ଼ାଙ୍କୁ ବସ କର୍ମଚାରୀ ଚଳନ୍ତା ବସ୍ରୁ ଠେଲି ନାହାନ୍ତି ବରଂ ସେ ଓଲଟି ବସ କର୍ମଚାରୀଙ୍କ ସହ ଯୁକ୍ତିତର୍କ ଆରମ୍ଭ କରିଥିଲେ । ବସ୍ର ଡୋର ପାଖରେ ଛିଡ଼ା ହୋଇଥିବା ବେଳେ, ସେ ହଠାତ୍ ବସରୁ ଖସି ପଡ଼ିଥିଲେ ।କ୍ରୁଟ୍ ଆଉ ମଧ୍ୟ କହିଛି ଯେ, ଯାତ୍ରୀମାନଙ୍କ ସୁବିଧା ଓ ସୁରକ୍ଷାକୁ କ୍ରୁଟ୍ ସବୁବେଳେ ଧ୍ୟାନ ଦେଇଥାଏ ।
