ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ : ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୭୫ତମ ମନ୍ କି ବାତ କାର୍ଯ୍ୟକ୍ରମ କରିବାକୁ ଯାଉଛନ୍ତି। ପ୍ରତ୍ୟେକ ମାସର ଶେଷ ରବିବାର ଦିନ ୧୧ଟା ସମୟରେ ରେଡିଓ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ଦେଶବାସୀଙ୍କ ସହ ମନର କଥା ହେବେ। ଦେଶରେ କରୋନାର ବର୍ଦ୍ଧିତ ମାମଲା ଏବଂ ୪ଟି ରାଜ୍ୟ ଓ ଗୋଟିଏ କେନ୍ଦ୍ର ଶାସିତ ଅଞ୍ଚଳରେ ହେଉଥିବା ବିଧାନସଭା ନିର୍ବାଚନକୁ ନେଇ ଆଜି ପ୍ରଧାନମନ୍ତ୍ରୀ ସମ୍ବୋଧନ କରିପାରନ୍ତି ।
ପୂର୍ବ ଥର ପ୍ରଧାନମନ୍ତ୍ରୀ ବହୁ ପ୍ରସଙ୍ଗରେ ଦେଶବାସୀଙ୍କ ସହ ଆଲୋଚନା କରିଥିଲେ। ସେ ଜଳର ମହତ୍ତ୍ଵ ବିଷୟରେ ବୁଝାଇଥିଲେ। ଏହା ସହ ତାମିଲ ଭାଷା ବିଷୟରେ କହିଥିଲେ ଯେ, ତାମିଲ ଏକ ସୁନ୍ଦର ଭାଷା। ଏହା ସାରା ଦୁନିଆରେ ଲୋକପ୍ରିୟ। ତେବେ ଆଜିର କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ କେଉଁ ବିଷୟରେ ଆଲୋଚନା କରିବେ ସେ ନେଇ ଦେଶବାସୀ ଅପେକ୍ଷା କରି ରହିଛନ୍ତି ।
