ସନଷ୍ଟାର ଟିଭି ବ୍ୟୁରୋ
ପୁନେ: ଭାରତ ଓ ଇଂଲଣ୍ଡ ମଧ୍ୟରେ ଦିନିକିଆ ସିରିଜର ଦ୍ଵିତୀୟ ମ୍ୟାଚ୍ ଆରମ୍ଭ ହୋଇଯାଇଛି ।ତେବେ ଏହି ମ୍ୟାଚ୍ ରେ ଟସ୍ ଜିତି ଇଂଲଣ୍ଡ ଫିଲ୍ଡିଂ କରିବାର ନିଷ୍ପତି ନେଇଛି। ଟିମ ଇଣ୍ଡିଆର ଓପନର ଭାବେ ଶିଖର ଧୱନ ଓ ରୋହିତ ଶର୍ମା ପଡ଼ିଆକୁ ଓହ୍ଲାଇ ସାରିଛନ୍ତି । ତେବେ ଶ୍ରେୟସ ଆୟର ଙ୍କ ସ୍ଥାନରେ ରିଷଭ ପନ୍ତ ଟିମରେ ସାମିଲ ହୋଇଛନ୍ତି ।
ତେବେ ପ୍ରଥମ ମ୍ୟାଚରେ ବିଜୟ ହାସଲ କରିବା ପରେ ବିରାଟ ବାହିନୀର ନଜର ଏବେ ସିରିଜ ଉପରେ । ଆଜିର ମ୍ୟାଚ ଜିତିଲେ ଭାରତ ସିରିଜ କବ୍ଜା କରିନେବ। ତେବେ ଅନ୍ୟ ପଟରେ ଇଂଲଣ୍ଡ ପାଇଁ ଆଜିର ମ୍ୟାଚ୍ ‘କର ବା ମର’ ପରିସ୍ଥିତି ସୃଷ୍ଟି କରିଛି ।ଆଜିର ମ୍ୟାଚ ଏକ ରୋମାଞ୍ଚକ ମ୍ୟାଚ୍ ହେବ ବୋଲି ଆଶା କରାଯାଉଛି ।
ଭାରତୀୟ ଦଳ: ରୋହିତ ଶର୍ମା,ଶିଖର ଧାୱନ, ବିରାଟ କୋହଲି(ଅଧିନାୟକ), ଋଷଭ ପନ୍ତ, ଲୋକେଶ ରାହୁଲ, କୃନାଲ ପାଣ୍ଡ୍ୟା, ହାର୍ଦ୍ଦିକ ପାଣ୍ଡ୍ୟା, ଭୁବନେଶ୍ୱର କୁମାର, ସର୍ଦୁଲ ଠାକୁର, କୁଲଦୀପ ଯାଦବ,ପ୍ରସିଦ୍ଧ କ୍ରିଷ୍ଣା ।
ଇଂଲଣ୍ଡ ଦଳ: ଜାସନ ରୟ, ଜନି ବେୟାରଷ୍ଟୋ, ବେନ ଷ୍ଟୋକ୍ସ, ଲାଏମ ଲିଭିଙ୍ଗଷ୍ଟୋନ୍, ଜୋସ ବଟଲର(ଅଧିନାୟକ), ଦାୱିଦ ମଲାନ, ମୋଇନ ଅଲି, ସାମ କୁରାନ, ଟମ କୁରାନ, ଆଦିଲ ରସିଦ, ଟପ୍ଲୀ ।
