ସନଷ୍ଟାର ଟିଭି ବ୍ୟୁରୋ
କଟକ: ରାଜ୍ୟରେ କରୋନା ଗ୍ରାଫ ଏବେ ଉପର ମୁହାଁ ହେବାରେ ଲାଗିଛି ।କଟକର ରେଭେନ୍ସା ବିଶ୍ବବିଦ୍ୟାଳୟ କ୍ୟାମ୍ପସରେ ଛାତ୍ର କରୋନା ପଜିଟିଭ ଚିହ୍ନଟ ହୋଇଛନ୍ତି । ଫଳରେ ଆଜି ଅର୍ଥାତ ଗୁରୁବାର ହେବାକୁ ଥିବା ୟୁଜି ଓ ପିଜି ପରୀକ୍ଷା ସ୍ଥଗିତ କରିଛନ୍ତି କଲେଜ କର୍ତ୍ତୁପକ୍ଷ । ପରୀକ୍ଷା ବନ୍ଦ ନେଇ ରେଭେନ୍ସା ବିଶ୍ୱବିଦ୍ୟାଳୟ ପରୀକ୍ଷା ନିୟନ୍ତ୍ରକ ସୂଚନା ଦେଇଛନ୍ତି ।
ରେଭେନ୍ସା ମହାନଦୀ ହଷ୍ଟେଲର ଜଣେ ଅନ୍ତେବାସୀ କରୋନା ପଜିଟିଭ ଚିହ୍ନଟ ହୋଇଛନ୍ତି । ପଜିଟିଭି ଛାତ୍ରଜଣଙ୍କୁ ଆଇସୋଲେସନରେ ରଖାଯାଇଛି । ହଷ୍ଟେଲ ସାନିଟାଇଜ କରାଯିବା ସହିତ ଅନ୍ୟ ବିଦ୍ୟାର୍ଥୀଙ୍କ କରୋନା ଟେଷ୍ଟ କରାଯିବ । ପରୀକ୍ଷା ସମ୍ବଦ୍ଧରେ ଆଜି ଗୁରୁତ୍ବପୂର୍ଣ୍ଣ ବୈଠକ ବସିବ । ବୈଠକରେ ପରୀକ୍ଷା ନେଇ ନିଷ୍ପତ୍ତି ହେବ ବୋଲି ସୂଚନା ମିଳିଛି । ତେବେ କିଛି ଦିନ ତଳେ କଟକର ଏକ ଘରୋଇ କଲେଜର ବିଦ୍ୟାର୍ଥୀ ମାନେ ମଧ୍ୟ କରୋନା ପଜିଟିଭ ଚିହ୍ନଟ ହୋଇଥିଲେ ।
