ସନ୍ଷ୍ଟାର ଟିଭି ବ୍ୟୁରୋ
କଟକ: ଏସସିବି ନର୍ସିଂ ଅଧକ୍ଷାଙ୍କୁ ନେଇ ବଢୁଛି ବିବାଦ । ଅଧକ୍ଷାଙ୍କ ବଦଳି ଦାବିରେ ନର୍ସିଂ ଛାତ୍ରଛାତ୍ରୀ । ତିନି ଦିନ ଧରି ନର୍ସିଂ ଛାତ୍ରଛାତ୍ରୀ ପାଠପଢିବା ପରିବର୍ତ୍ତେ ଆନ୍ଦୋଳନରେ ବସି ରହିଛନ୍ତି । ତେବେ ଅଧକ୍ଷାଙ୍କ ବଦଳି ନିଷ୍ପତି ନହେବା ପର୍ଯ୍ୟନ୍ତ ଆନ୍ଦୋଳନ ଜାରିରହିବ ବୋଲି ଚେତାବନୀ ଦେଇଛନ୍ତି ନର୍ସିଂ ଛାତ୍ରଛାତ୍ରୀ ।
କେବଳ ଛାତ୍ରଛାତ୍ରୀ ନୁହନ୍ତି ବରଂ କଲେଜର ଜଣେ ଶିକ୍ଷୟତ୍ରୀ ମଧ୍ୟ ଅଧକ୍ଷାଙ୍କ ବିରୋଧରେ ଅଭିଯୋଗ ଆଣିଛନ୍ତି । ଅଧକ୍ଷା,ମାନସିକ ନିର୍ଯାତନା ଦେଉଥିବା ନେଇ ଅଭିଯୋଗ ଆଣିଛନ୍ତି ଉକ୍ତ କଲେଜର ଜଣେ ଶିକ୍ଷୟତ୍ରୀ । ଛାତ୍ରଛାତ୍ରୀଙ୍କ ସହ ଆଲୋଚନା କଲେ ଅଧକ୍ଷା ତାଙ୍କୁ କାରଣ ଦର୍ଶାଅ ନୋଟିସ ଦେଇଥିବା ଅଭିଯୋଗ କରିଛନ୍ତି । ଏନେଇ ଉଚ୍ଚ କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରାଯାଇଥିଲେ ବି କୌଣସି ନିଷ୍କର୍ଷ ବାହାରୁନଥିବା ଶିକ୍ଷୟତ୍ରୀ ଜଣକ କହିଛନ୍ତି ।
