ସନଷ୍ଟାର ଟିଭି ବ୍ୟୁରୋ
ମୁମ୍ବାଇ: ଅହମଦାବାଦ ପରେ ଏବେ ପୁନେ ରେ ପହଞ୍ଚି ସାରିଛନ୍ତି ଭାରତ ଓ ଇଂଲଣ୍ଡ କ୍ରିକେଟ୍ ଟିମ୍। ଦିନିକିଆ ସିରିଜ ଖେଳିବା ପାଇଁ ଉଭୟ ଦଳ ଆଜିଠୁ ଅଭ୍ୟାସ ଆରମ୍ଭ କରିବେ। ୨୩ ତାରିଖରୁ ୩ ମ୍ୟାଚ୍ ବିଶିଷ୍ଟ ଦିନିକିଆ ସିରିଜ ଆରମ୍ଭ ହେବ । ବିରାଟ କୋହଲିଙ୍କ ନେତୃତ୍ୱାଧୀନ ଭାରତୀୟ ଦଳ ଏକ ସ୍ୱତନ୍ତ୍ର ଚାଟାର୍ଡ ବିମାନ ଯୋଗେ ରବିବାର ଅପରାହ୍ଣ ୪.୪୫ ବେଳେ ପୁନେରେ ପହଞ୍ଚିଥିଲା । ବିମାନ ବନ୍ଦରରୁ ଟିମ୍ ବସ୍ ଯୋଗେ ଖେଳାଳିମାନେ ହୋଟେଲ ଯାତ୍ରା କରିଥିଲେ । ଇଂଲଣ୍ଡ କ୍ରିକେଟ୍ ଦଳ ମଧ୍ୟ ହୋଟେଲରେ ପହଞ୍ଚି ବିଶ୍ରାମ ନେଇଛି । ଆଜି ଉଭୟ ଦଳ ପାଇଁ ଗହୁଞ୍ଜେ ସ୍ଥିତ ମହାରାଷ୍ଟ୍ର କ୍ରିକେଟ୍ ଆସୋସିଏସନ (ଏମସିଏ) ଷ୍ଟାଡିୟମ୍ରେ ଅଭ୍ୟାସ ବ୍ୟବସ୍ଥା କରାଯାଇଛି ।
୨୩ତାରିଖରେ ପ୍ରଥମ ଦିନିକିଆ ଅନୁଷ୍ଠିତ ହେବ । ୨୬ ଓ ୨୮ ତାରିଖରେ ପରବର୍ତ୍ତୀ ୨ଟି ଦିନିକିଆ ଖେଳାଯିବ । ୧୯ ତାରିଖ ଦିନ ଦିନିକିଆ ସିରିଜ ପାଇଁ ଦଳ ଘୋଷଣା କରାଯାଇଥିଲା ।
