ସନଷ୍ଟାର ଟିଭି ବ୍ୟୁରୋ;
ମୁମ୍ବାଇ; ପ୍ରତିଥର ପରି ଏଥରକ ମଧ୍ୟ ନୂଆ ତଥା ଚ୍ୟାଲେଞ୍ଜିଂ ରୋଲ ସହ ପରଦାରେ ଧମଲ୍ କରିବେ ବଲିଉଡ୍ କୁଇନ୍ କଙ୍ଗନା । ଆଗକୁ ଆସୁଛି ବାୟୋପିକ ଫିଲ୍ମ ‘ଥଲଇବି’ । ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ତଥା ଦକ୍ଷିଣଭାରତର ଜଣାଶୁଣା ଲୋକପ୍ରିୟ ଅଭିନେତ୍ରୀ ଦିଂବଗତ ଜୟଲଳିତାଙ୍କ ଜୀବନୀକୁ ନେଇ ନିର୍ମାଣ ହେଉଛି ବଲିଉଡ ବାୟୋପିକ ସିନେମା ‘ଥଲଇବି’ ।ପରଦାରେ ଉଭୟ ନାୟିକା ଓ ନେତ୍ରୀ ରୋଲରେ ନଜର ଆସିବେ କଙ୍ଗନା । କଙ୍ଗନା ରାନାୱତଙ୍କ ଜନ୍ମଦିନ ଅର୍ଥାତ୍ ମାର୍ଚ୍ଚ ୨୩ ରେ ଫିଲ୍ମର ଟ୍ରେଲର ମୁକ୍ତିଲାଭ କରିବ। ନିର୍ଦ୍ଦେଶକ ବିଜୟଙ୍କ ଏହି ଚଳଚ୍ଚିତ୍ରରେ ତାମିଲନାଡୁର ରାଜନୀତିରେ ପରିବର୍ତ୍ତନ ଆଣିଥିବା ଜୟଲଳିତାଙ୍କ ଜୀବନ କାହାଣୀ ଦେଖିବାକୁ ମିଳିବ । ଫିଲ୍ମରେ ଏମ.ଜି ରାମଚନ୍ଦ୍ରନଙ୍କ ଚରିତ୍ରରେ ଅଭିନେତା ଅରବିନ୍ଦ ସ୍ୱାମୀ ଅଭିନୟ କରିଥିବାବେଳେ ଏହି ଫିଲ୍ମ ୨୩ ଏପ୍ରିଲରେ ତାମିଲ, ତେଲୁଗୁ ଏବଂ ହିନ୍ଦୀ ଭାଷାରେ ମୁକ୍ତିଲାଭ କରିବ ।
