ସନ୍ଷ୍ଟାର ଟିଭି ବ୍ୟୁରୋ
ମୁମ୍ଵାଇ: ବଲିଉଡ୍ ଅଭିନେତ୍ରୀ କ୍ୟାଟ୍ରିନା କୈଫ୍ଙ୍କ ଭଉଣୀ ଇସାବେଲ କୈଫ୍ ଖୁବ୍ ଶୀଘ୍ର ଟାଇମ ଟୁ ଡ୍ୟାନ୍ସ ଫିଲ୍ମରୁ ବଲିଉଡ୍ରୁ ଡେବ୍ୟୁ କରିବାକୁ ଯାଉଛନ୍ତି । ତେବେ ବଲିଉଡ୍ରେ କ୍ୟାଟ୍ରିନାଙ୍କ ଏଣ୍ଟ୍ରି ସଲମାନ ଖାନଙ୍କ ପାଇଁ ହୋଇଥିବା ବେଳେ ତାଙ୍କ ଭଉଣୀ ମଧ୍ୟ ସଲମାନଙ୍କ ପାଇଁ ବଲିଉଡ୍ରେ ଏଣ୍ଟ୍ରି କରିଛନ୍ତି ବୋଲି ଚର୍ଚ୍ଚା ଜୋର ଧରିଛି । ତେବେ ଏହାକୁ ନେଇ ନିଜର ପ୍ରତିକ୍ରିୟା ରଖିଛନ୍ତି ଇସାବେଲ ।
ଏକ ଗଣମାଧ୍ୟମରେ ସାକ୍ଷାତକାରରେ ବଲିଉଡ୍ରେ ଏଣ୍ଟ୍ରିକୁ ନେଇ ପ୍ରଶ୍ନର ଉତ୍ତର ଦେବାକୁ ଯାଇ ସେ କହିଛନ୍ତି ଯେ କ୍ୟାଟ୍ରିନାଙ୍କ ସିଙ୍ଗ ଇଜ୍ କିଙ୍ଗ, ପାର୍ଟନର, ଏକ ଥା ଟାଇଗର, ଭଳି ଫିଲ୍ମ ସୁଟିଂ ସେଟ୍କୁ ଯାଇ ସେ ହିନ୍ଦୀ ଫିଲ୍ମରେ ଏଣ୍ଟ୍ରି କରିବାର ବାଟ ଜାଣିପାରିଥିଲେ । ସେ ଆଉ ମଧ୍ୟ କହିଛନ୍ତି ଯେ କ୍ୟାଟ୍ରିନା ମଧ୍ୟ ଏକ୍ଷେତ୍ରରେ ତାଙ୍କୁ ସହଯୋଗ କରିଛନ୍ତି । ଲୋକମାନଙ୍କ ସହ ସୁସଂପର୍କ ରଖିବା, ପରିଶ୍ରମ କରିବାକୁ ସେ ସବୁବେଳେ କହିଥାନ୍ତି ।
ଇସାବେଲ ଆଉ ମଧ୍ୟ କହିଛନ୍ତି , ‘ସେ ଫିଲ୍ମରେ ଏଣ୍ଟ୍ରି ପାଇବା ପାଇଁ ପ୍ରଥମେ ଅଡିଶନ ଦେଇଥିଲେ । ଏହାପରେ ସେ ସିଲେକସନ ମଧ୍ୟ ହୋଇଥିଲେ । ତେବେ ସେ ଏହା ମଧ୍ୟ କହିଛନ୍ତି ଯେ ସଲମାନ ବଲିଉଡ୍ରେ ନବାଗତମାନଙ୍କୁ ବହୁତ ସାହାଯ୍ୟ କରିଥାନ୍ତି ।
