ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ଓଲିଉଡ୍ ଜଗତର ଲୋକପ୍ରିୟ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ଜଣେ ମୁସଲମାନ ଭକ୍ତଙ୍କୁ ସାହାଯ୍ୟ କରି ପ୍ରଶଂସା ସାଉଣ୍ଟିଛନ୍ତି । କିଛି ଦିନ ପୂର୍ବେ ଜଣେ ମୁସଲମାନ କଣ୍ଠଶିଳ୍ପୀ ଅବଦୁଲ ସମାଦ ନିଜାମିଙ୍କ ଜଗନ୍ନାଥ ଭଜନ ସୋସିଆଲ ମିଡିଆରେ ଭାଇରାଲ ହୋଇଥିଲା । ଯାହାକୁ ଶୁଣିବା ପରେ ବର୍ଷା ବ୍ୟକ୍ତିଗତ ଭାବେ ତାଙ୍କୁ ଭେଟିଥିଲେ ଓ ତାଙ୍କୁ ସାହାଯ୍ୟ କରିବା ପାଇଁ କଥା ଦେଇଥିଲେ । ତେବେ ବର୍ଷା ନିଜର ପ୍ରତିଶୃତି ପୂରଣ କରିଥିଲେ । ଷ୍ଟୁଡିଓରେ ଗୀତ ଗାଇଛନ୍ତି ଅବଦୁଲ ସମାଦ ନିଜାମି ।
ଏନେଇ ବର୍ଷା ନିଜର ଫେସବୁକ୍ ପେଜରେ ସେୟାର କରିଛନ୍ତି । ସେ ଲେଖିଛନ୍ତି ଯେ ”କିଛି ଦିନ ପୂର୍ବରୁ ମୁଁ ପ୍ରତିଭାବାନ କଣ୍ଠଶିଳ୍ପୀ ଶ୍ରୀ ଅବଦୁଲ ସମାଦ ନିଜାମି (ସାମ୍ ସାର୍) ଙ୍କ ବିଷୟରେ ପୋଷ୍ଟ କରିଥିଲି । ଆପଣ ସମସ୍ତଙ୍କୁ ଜଣାଇବା ପାଇଁ ମୁଁ ବହୁତ ଆନନ୍ଦିତ ଯେ ସେ ତାଙ୍କର ପ୍ରଥମ ଗୀତ, ମହାପ୍ରଭୁ ଜଗନ୍ନାଥଙ୍କ ପ୍ରତି ଏକ ଭକ୍ତିପୂତ ଶ୍ରଦ୍ଧାଞ୍ଜଳି ଆଜି କଟକ ସ୍ଥିତ ପ୍ରତିଭା ଷ୍ଟୁଡିଓରେ ରେକର୍ଡ କରିଛନ୍ତି । ଏହି ଭକ୍ତିଭାବ ପୂର୍ଣ୍ଣ ରଚନା ପାଇଁ ପ୍ରେମାନନ୍ଦ ସାର୍ ଙ୍କୁ ମୋର ହୃଦୟରୁ ଧନ୍ୟବାଦ ।
