ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ଦୀର୍ଘ ଦିନ ହେବ ନିଆଁ ଲାଗିବା କାରଣରୁ ବିପଦରେ ଥିଲା ଶିମିଳିପାଳ । ତେବେ ଆଜି ଶିମିଳିପାଳକୁ ଏକ ଆଶ୍ଵସ୍ତିକର ଖବର ସାମ୍ନାକୁ ଆସିଛି । ଆଜି ଶିମିଳିପାଳର ପିଠାବଟା ରେଞ୍ଜର ବିଭିନ୍ନ ସ୍ଥାନରେ କୁଆପଥର ସହିତ ବର୍ଷା ହୋଇଛି । ଯାହା ଫଳରେ ଶିମିଳିପାଳ ନିଆଁ ପ୍ରସମିତ ହେବା ନେଇ ଆଶା ଦେଖାଦେଇଛି । ଗତ ଦୁଇ ସପ୍ତାହରୁ ଅଧିକ ଦିନ ହେଲା ଶିମିଳିପାଳ ଜଙ୍ଗଲ ନିଆଁରେ ଜଳୁଥିଲା । ନିଆଁକୁ ଆୟତ୍ତ କରିବାକୁ ସରକାର ନାକେଦମ ହୋଇଗଲେଣି । କିନ୍ତୁ କିଛି ଅଞ୍ଚଳରେ ନିଆଁ ଲିଭିବାର ନାଁ ଧରୁନଥିଲା । ହେଲେ ଆଜି ଶିମିଳିପାଳର କିଛି ଅଂଚଳରେ ବର୍ଷା ହେବା ଖବର ଲୋକଙ୍କ ମନକୁ ଆଶ୍ୱସ୍ତ କରିଛି । ଓଡିଶା ବାସୀଙ୍କ ଡାକ ଭଗବାନ ଶୁଣିଛନ୍ତି ବୋଲି ଲୋକମାନେ ମତ ଦେଉଛନ୍ତି ।
