ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ଆଜି ଟ୍ୱିନ୍ ସିଟି କଟକ- ଭୁବନେଶ୍ଵରର ପୋଲିସ କମିଶନର ଭାବେ ଦାୟିତ୍ୱ ଗ୍ରହଣ କରିଛନ୍ତି ଆଇପିଏସ୍ ସୌମେନ୍ଦ୍ର ପ୍ରିୟଦର୍ଶୀ ।ତେବେ ଏନେଇ ଗତକାଲି ରାଜ୍ୟ ସରକାର ଘୋଷଣା କରିଥିଲେ ମଧ୍ୟ ଆଜି ବିଧିବିଦ୍ଧ ଭାବେ ଏହି ଦାୟିତ୍ଵ ଗ୍ରହଣ କରିଛନ୍ତି ।
୧୯୯୫ ବ୍ୟାଚ୍ ବରିଷ୍ଠ ଆଇପିଏସ୍ ଅଫିସର ହେଉଛନ୍ତି ସୌମେନ୍ଦ୍ର ପ୍ରିୟଦର୍ଶୀ । ଏହି ଗୁରୁ ଦାୟିତ୍ଵ ଗ୍ରହଣ କଲାବେଳେ ଟ୍ଵିନ ସିଟିର ଆଇନ୍ କାନୁନ୍ ବ୍ୟବସ୍ଥା ସୁଚାରୁରରୂପେ ପରିଚାଳନା କରିବା ସହିତ ଏହି ଚାଲେଞ୍ଜକୁ ଗ୍ରହଣ କରିବା ପାଇଁ ସେ ପ୍ରସ୍ତୁତ ରହିଛନ୍ତି ବୋଲି କହିଛନ୍ତି । ଏଥି ସହିତ ଏତେ ବଡ ଗୁରୁ ଦାୟିତ୍ଵ ଦେଇଥିବାରୁ ରାଜ୍ୟ ସରକାରଙ୍କୁ ଧନ୍ୟବାଦ ଦେଇଛନ୍ତି ପୋଲିସ କମିଶନର ନବ ନିଯୁକ୍ତ ଅଫିସର । କଟକ- ଭୁବନେଶ୍ଵର ଲୋକମାନେ ତାଙ୍କୁ ସାହାଯ୍ୟ ଓ ସହଯୋଗ କରିବା ପାଇଁ ଅନୁରୋଧ କରିଛନ୍ତି । ଅପରାଧ ନିୟନ୍ତ୍ରଣ ଓ ଅପରାଧୀକୁ କାବୁ କରିବା ହେଉଛି ପୋଲିସ ସବୁଠୁ ବଡ ଦାୟିତ୍ଵ ଯାହାକୁ ସୁଚାରୁରୂପେ ରୂପେ ପାଳନ କରିବେ ବୋଲି କହିଛନ୍ତି ।
ତେବେ ସୁଧାଂଶୁ ଷଡଙ୍ଗୀଙ୍କୁ ଗୃହ ନିର୍ମାଣ ନିଗମର ସି ଏମ୍ ଡି ଦାୟିତ୍ଵ ପ୍ରଦାନ କରାଯାଇଛି ।
