ସନ୍ଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ମୋଦୀ ରବିବାର ‘ଜନଔଷଧୀ ଦିବସ’ ଅବସରରେ ୭୫୦୦ତମ ଜନଔଷଧୀ କେନ୍ଦ୍ର ଦେଶବାସୀଙ୍କୁ ସମର୍ପିତ କରିବେ। ପ୍ରଧାନମନ୍ତ୍ରୀ ଭିଡିଓ କନଫରେନ୍ସିଂ ଜରିଆରେ ଦେଶବାସୀଙ୍କୁ ଏହି କେନ୍ଦ୍ର ସମର୍ପିତ କରିବେ। ସୂଚନାଯୋଗ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ପଶ୍ଚିମବଙ୍ଗରେ ନିର୍ବାଚନ ରାଲି କରିବା କାର୍ଯ୍ୟକ୍ରମ ରହିଛି।
ପ୍ରଧାନମନ୍ତ୍ରୀ ମୋଦୀ ଗତକାଲି ଜନଔଷଧୀ ଦିବସ ନେଇ ଟୁଇଟ କରିଥିଲେ। ଏଥିରେ ସେ ଲେଖିଛନ୍ତି ଯେ, ଦେଶର ଜନ ସ୍ୱାସ୍ଥ୍ୟ କ୍ଷେତ୍ର ପାଇଁ ରବିବାର ଦିନ ଗୁରୁତ୍ୱପୂର୍ଣ୍ଣ ହେବ। ଜନଔଷଧୀ ଦିବସ ଅବସରରେ ପୂର୍ବାହ୍ନ ୧୦ଟାରେ ଭିଡିଓ କନଫରେନ୍ସିଂ ଜରିଆରେ ୭୫୦୦ତମ ଜନଔଷଧୀ କେନ୍ଦ୍ରକୁ ଦେଶବାସୀଙ୍କୁ ସମର୍ପିତ କରାଯିବ। ଏହି ଅବସରରେ ହିତାଧିକାରୀଙ୍କୁ ସମ୍ବୋଧନ କରିବି ବୋଲି ମୋଦୀ କହିଛନ୍ତି।
