ସନ୍ଷ୍ଟାର ଟିଭି ବ୍ୟୁରୋ
ମୁମ୍ବାଇ: ନିଜର ଜବରଦସ୍ତ ଡ୍ୟାନ୍ସ ପାଇଁ ନୋରା ଫତେହି ଫ୍ୟାନମାନଙ୍କ ଦୃଦୟରେ ରାଜ୍ କରୁଛନ୍ତି । ଗୋଟିଏ ପରେ ଗୋଟିଏ ହିଟ ଗୀତ ଦର୍ଶକମାନଙ୍କୁ ଭେଟି ଦେଇଛନ୍ତି ସେ । ତେବେ ନିକଟରେ ସେ ଏକ ନୂତନ ରେକର୍ଡ ହାସଲ କରିଛନ୍ତି । ନୋରା ଆଫ୍ରିକୀୟ ଆରବ ଦେଶର ପ୍ରଥମ ମହିଳା କଳାକାର ଯାହାଙ୍କ ଗୀତ ୟୁଟ୍ୟୁବରେ ୧ ବିଲିୟନ ଭ୍ୟୁଜ ହାସଲ କରିଛି ।
ତାଙ୍କ ସୁପରହିଟ ଗୀତ ‘ଦିଲବର’କୁ ୟୁଟ୍ୟୁବରେ ୧ ବିଲିୟନ ଭ୍ୟୁଜ ମିଳିଛି । ଏହାକୁ ନେଇ ଖୁବ୍ ଖୁସି ଅଛନ୍ତି ନୋରା । ଏହି ରେକର୍ଡ ହାସଲ କରିବାର ସମସ୍ତ ଶ୍ରେୟ ସେ ନିଜ ଫ୍ୟାନମାନଙ୍କୁ ଦେଇଛନ୍ତି । ସେମାନଙ୍କୁ ଧନ୍ୟବାଦ ଜଣାଇବା ଦର୍ଶକମାନଙ୍କୁ ନିଃସର୍ତ୍ତମୂଳକ ଭଲପାଇବା ଓ ସମର୍ଥନ ପାଇଁ ସେ ଏହି ରେକର୍ଡ ହାସଲ କରିପାରିଛନ୍ତି ବୋଲି କହିଛନ୍ତି । ଓ ଏହି ଖୁସିକୁ ସେ ସେଲେବ୍ରେସନ କରୁଥିବାର ମଧ୍ୟ ନଜର ଆସିଛନ୍ତି ।
ତେବେ ନୋରା ଦିଲବର, ଓ ସାକି ସାକି, ନାଚ୍ ମେରି ରାନି, ଗର୍ମୀ ଭଳି ଅନେକ ହିଟ୍ ଗୀତରେ ନୃତ୍ୟ କରି ଦର୍ଶକମାନଙ୍କ ମନ ଜିଣିପାରିଛନ୍ତି ।
