ସନ୍ଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ଦୁନିଆର ସବୁଠୁ ବଡ଼ କ୍ରିକେଟ ଲିଗ୍ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ)ର ୧୪ତମ ସଂସ୍କରଣ ଚଳିତ ବର୍ଷ ଏପ୍ରିଲ ୯ ତାରିଖରୁ ଆରମ୍ଭ ହେବାର ସମ୍ଭାବନା ରହିଛି । ତେବେ ଆଇପିଏଲ୍ର ଶେଷ ତଥା ଫାଇନାଲ ମ୍ୟାଚ୍ ମେ ୩୦ରେ ହେବାକୁ ଯାଉଛି । ଏନେଇ ଜାତୀୟ ଗଣମାଧ୍ୟମ ସଂସ୍ଥା ଏଏନ୍ଆଇରେ ପ୍ରକାଶ ପାଇଛି । ଗଭର୍ଣ୍ଣିଙ୍ଗ କାଉସିଲ୍ ଏନେଇ ଅନୁମତି ଦେବା ବାକି ରହିଛି । ତେବେ ଆସନ୍ତା ସପ୍ତାହରେ ଏନେଇ ବୈଠକ ବସିବାକୁ ଯାଉଛି, ଯେଉଁଥିରେ ଏନେଇ ମଞ୍ଜୁରୀ ଦିଆଯିବ ।
ଗଭର୍ଣ୍ଣିଙ୍ଗ୍ କାଉନସିଲର ଜଣେ ସଦସ୍ୟ କହିଛନ୍ତି ଯେ, ଆଇପିଏଲର ଆରମ୍ଭ ଏପ୍ରିଲ ୯ରେ ଓ ଫାଇନାଲ ମ୍ୟାଚ୍ ମେ’ ୩୦ରେ ଖେଳାଯିବା କଥା ଆମେ କହିଛୁ । ହେଲେ ଅନ୍ତିମ ନିଷ୍ପତ୍ତି ବୈଠକରେ ହିଁ ହେବ ବୋଲି ସେ କହିଛନ୍ତି। ଆଗାମୀ ସପ୍ତାହ ମଧ୍ୟରେ ଆଇପିଏଲ କ୍ରୀଡ଼ା ସୂଚୀ ସହ ଭେନ୍ୟୁ ରିପୋର୍ଟ ପ୍ରକାଶ ପାଇ ପାରେ ବୋଲି ଅଧିକାରୀ ଜଣକ କହିଛନ୍ତି ।
ତେବେ ଚଳିତ ବର୍ଷ କରୋନା ସଂକ୍ରମଣକୁ ନଜରରେ ରଖି ଗାଇଡଲାଇନ ପାଳନ କରାଯାଇ ଭାରତ ମଧ୍ୟରେ ଆଇପିଏଲ୍ର ଆୟୋଜନ କରାଯିବ ବୋଲି ସୂଚନା ରହିଛି ।
