ଲାଇଭ ଟିଭିରେ ଆଲୋଚନା କରିବା ସମୟରେ କଣ କହିବେ ଜାଣିପାରିଲେ ନାହିଁ ପାକିସ୍ତାନ ପ୍ରଧାନମନ୍ତ୍ରୀ, ଭିଡିଓ ହେଲା ଭାଇରାଲ

ସନ୍‌ଷ୍ଟାର ଟିଭି ବ୍ୟୁରୋ

ଇସଲାମାବାଦ: ଅନେକ ସମୟରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ଟ୍ରୋଲର ଶିକାର ହୋଇଥାନ୍ତି । ବର୍ତ୍ତମାନ ମଧ୍ୟ ନିଜର ଭାଷଣ ପାଇଁ ଟ୍ରୋଲର ଶିକାର ହୋଇଛନ୍ତି ପାକିସ୍ତାନ ପ୍ରଧାନମନ୍ତ୍ରୀ ।ନିକଟରେ ଇମରାନ ଖାନ ଲାଇଭ ଟିଭିରେ ଆଲୋଚନା କରିବା ସମୟରେ ନିଜର ଭାଷଣର ଲାଇନକୁ ଭୁଲି ଯାଇଥିଲେ ଓ ଆଗକୁ କଣ କହିବେ ଜାଣିପାରିନଥିଲେ । ଓ ମନଇଚ୍ଛା କହି ନିଜ ଭାଷଣ ଶେଷ କରିଥିଲେ । ଏହି ଘଟଣାର ଭିଡିଓ ସୋସିଆଲ୍ ମିଡିଆରେ ସେୟାର ହେବା ପରେ ସଙ୍ଗେସଙ୍ଗେ ଟ୍ରୋଲ ହେବା ଆରମ୍ଭ ହୋଇଯାଇଥିଲା ।

ଇମରାନ ଖାନଙ୍କୁ ସିନେଟ ନିର୍ବାଚନରେ ଝଟକା ଲାଗିଛି। ଏହାପରେ ସେ ଗୁରୁବାର ରାତିରେ ଦେଶକୁ ସମ୍ବୋଧିତ କରିଥିଲେ। ସେ ପାକିସ୍ତାନ ନିର୍ବାଚନୀ ଆୟୋଗ (ଇସିପି)ଙ୍କ ନିକଟରେ ପ୍ରଶ୍ନ ରଖିଥିଲେ। ଏହି ଭାଷଣ ଦେବା ସମୟରେ ସେ ଅଟକି ଯାଇଥିଲେ। ଆଉ ଯେତେ ଚେଷ୍ଟା କଲେ ମଧ୍ୟ ତାଙ୍କ ଭାଷଣ ଲାଇନ ଆଉ ମନେ ପଡ଼ି ନଥିଲା।

ତେବେ ଏହି ଭିଡିଓକୁ ସାମ୍ଵାଦିକ ନାୟଲା ଇନାୟତ ଟ୍ଵିଟରରେ ଶେୟାର କରିଥିଲେ । ୧୭ ସେକେଣ୍ଡର ଏହି ଭିଡିଓ ସୋସିଆଲ୍ ମିଡିଆରେ ଭାଇରାଲ ହେବାରେ ଲାଗିଛି ।