ସନ୍ଷ୍ଟାର ଟିଭି ବ୍ୟୁରୋ
ଅହମ୍ମଦାବାଦ: ଭାରତ ଓ ଇଂଲଣ୍ଡ ମଧ୍ୟରେ ଚତୁର୍ଥ ତଥା ଶେଷ ମ୍ୟାଚ୍ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଚାଲିଛି । ଗତକାଲି ଟସ୍ ଜିତି ଇଂଲଣ୍ଡ ପ୍ରଥମେ ବ୍ୟାଟିଂ କରିବାର ନିଷ୍ପତ୍ତି ନେଇଥିଲା । ତେବେ ପ୍ରଥମ ଇନିଂସରେ ଇଂଲଣ୍ଡ ୨୦୫ ରନରେ ଅଲଆଉଟ୍ ହୋଇଥିଲା । ତେବେ ଆଜି ଭାରତର ବିସ୍ଫୋରକ ବ୍ୟାଟସ୍ମ୍ୟାନ ଋଷଭ ପନ୍ତ ମାତ୍ର ୧୧୬ ବଲ୍ରେ ଶତକ ହାସଲ କରିଛନ୍ତି ।ଏଥିସହିତ ତାଙ୍କ ଟେଷ୍ଟ କ୍ୟାରିଅର୍ରେ ଆଉ ଏକ ଶତକ ଯୋଡି ହୋଇଯାଇଛି । ଟେଷ୍ଟ କ୍ୟାରିୟରର ୩ୟ ଶତକ ହାସଲ କରିଛନ୍ତି ଋଷଭ । ଜୋ ରୁଟ୍ଙ୍କ ବଲରେ ଛକା ମାରି ଏହି ନିଜର ଶତକ ପୂରଣ କରିଥିଲେ ।
ତେବେ ଋଷଭ ପନ୍ତ ଶତକ କରିବା ପରେ ଆଣ୍ଡରସନ୍ଙ୍କ ବଲରେ ଆଉଟ୍ ହୋଇଯାଇଛନ୍ତି । ସେ ୧୦୧ ରନ୍ କରି ପଡିଆ ଛାଡିଛନ୍ତି । ତେବେ ଓ୍ଵାସିଙ୍ଗଟନ ସୁନ୍ଦର ମଧ୍ୟ ନିଜର ଖେଳ ଜାରି ରଖିଛନ୍ତି । ୯୭ ବଲରେ ୫୧ ରନ୍ ହାସଲ କରି ଖେଳ ଜାରି ରଖିଛନ୍ତି ସେ । ତେବେ ରିପୋର୍ଟ ଲେଖା ସମୟରେ ୭ ଓ୍ଵିକେଟ ବିନିମୟରେ ୨୮୦ ରନ୍ ସଂଗ୍ରହ କରି ଖେଳ ଜାରି ରଖିଛି ।
