ସନ୍ଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ଦେଶରେ କ୍ରମାଗତ ଭାବେ ଏଲ୍ପିଜି ଗ୍ୟାସ ଦର ବୃଦ୍ଧି ପାଇବାରେ ଲାଗିଛି । ତେବେ ଆଜି ଏଲପିଜି ସିଲିଣ୍ଡର ମୂଲ୍ୟ ୨୫ଟଙ୍କା ବୃଦ୍ଧି ପାଇଛି । ଏହି ବର୍ଦ୍ଧିତ ଦରକୁ ନେଇ ବର୍ତ୍ତମାନ ରାଜଧାନୀ ଭୁବନେଶ୍ଵରରେ ୧୪.୨ କେଜି ଏଲପିଜି ସିଲିଣ୍ଡର ଦର ୮୪୫ ଟଙ୍କା ୫୦ ପଇସା ହୋଇଛି । ଏହା ପୂର୍ବରୁ ଭୁବନେଶ୍ୱରରେ ୧୪.୨ କେଜି ଗ୍ୟାସ୍ ସିଲିଣ୍ଡରର ମୂଲ୍ୟ ୮୨୦ ଟଙ୍କା ୫୦ପଇସା ଥିଲା ।
ଗତମାସରେ ରାଜ୍ୟରେ ଗ୍ୟାସ ମୂଲ୍ୟ କ୍ରମାଗତ ଭାବେ ତିନି ଥର ବୃଦ୍ଧି ଘଟିଥିବା ବେଳେ ଆଜି ଅର୍ଥାତ୍ ମାର୍ଚ୍ଚ ମାସର ପ୍ରଥମ ଦିନରୁ ହିଁ ଗ୍ୟାସ ଦର ବୃଦ୍ଧି ପାଇଥିବାର ଦେଖାଯାଇଛି ।
ତେବେ ଆଜି ଦିଲ୍ଲୀରେ ୧୪.୨ କିଲୋଗ୍ରାମ ଏଲପିଜି ସିଲିଣ୍ଡର ମୂଲ୍ୟ ୮୧୯ଟଙ୍କା ହୋଇଥିବା ବେଳେ କୋଲକାତାର ୧୪.୨ କିଲୋଗ୍ରାମ ଏଲପିଜି ସିଲିଣ୍ଡର ପାଇଁ ୮୪୫ଟଙ୍କା, ମୁମ୍ବାଇରେ ଏଲପିଜି ସିଲିଣ୍ଡରର ମୂଲ୍ୟ ବର୍ତ୍ତମାନ ୮୧୯ ଟଙ୍କା, ଚେନ୍ନାଇରେ ୮୩୫ ଏବଂ ହାଇଦ୍ରାବାଦରେ ଏହା ୮୭୧.୫୦ଟଙ୍କା ରହିଛି ।
