ସନ ଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ବଲିଉଡର ଅଭିନେତା ଅମିତାଭ ବଚ୍ଚନଙ୍କର ପୁନର୍ବାର ସ୍ୱାସ୍ଥ୍ୟ ସମସ୍ୟା ଦେଖା ଦେଇଛି । ସେଥିପାଇଁ ତାଙ୍କର ଅସ୍ତ୍ରୋପଚାର ହୋଇପାରେ । ତେବେ ଏ ନେଇ ଅମିତାଭ ବଚ୍ଚନ ନିଜେ ସୂଚନା ଦେଛନ୍ତି । ଶନିବାର ଦିନ ୭୮ ବର୍ଷିୟ ଅଭିନେତା ବଚ୍ଚନ ତାଙ୍କ ବ୍ଲଗ୍ରେ ପ୍ରଶଂସକମାନଙ୍କୁ ଜଣାଇଛନ୍ତି ଯେ, ସ୍ୱାସ୍ଥ୍ୟାବସ୍ଥାରେ ଅବନତି ଘଟିଥିବାରୁ ତାଙ୍କର ଅସ୍ତ୍ରୋପଚାର କରାଯିବ। ତେଣୁ, ସେ ବ୍ଲଗ୍ ଲେଖିପାରିବେ ନାହିଁ।
ଚଳଚ୍ଚିତ୍ର ନିର୍ମାତ ବିକାଶ ବହଲ୍ଙ୍କ ଆଗାମୀ ସିନେମା ନିମନ୍ତେ ସୁଟିଙ୍ଗ୍ ଆରମ୍ଭ କରିବେ ବୋଲି ପୂର୍ବରୁ ଅମିତାଭ ଜଣାଇଥିଲେ ।
ବଲିଉଡ ଜାଗର ଏହି ପୁରୁଖା ଅଭିନେତା ଦର୍ଶକ ମାନଙ୍କୁ ଅନେକ ଫିଲ୍ମ ଭେଟି ଦେଇଛନ୍ତି । ତାଙ୍କର ପ୍ରଥମ ଫିଲ୍ମ ‘ସାତ ହିନ୍ଦୁସ୍ତାନୀ ‘ ୧୯୬୯ ମସିହାରେ ମୁକ୍ତିଲାଭ କରିଥିଲା । ତେବେ ତାଙ୍କର ଖାକୀ, ଭୂତନାଥ, ବାବୁଲ, ଅଗ୍ନିପଥ, କାଣ୍ଟେ, ଅମର ଆକବର ଆଁଥିନି, ଓମ୍ ଶାନ୍ତି ଓମ ଫିଲ୍ମ ଏବେବି ଦର୍ଶକଙ୍କୁ ଖୁବ୍ ପସନ୍ଦ ଆସିଥାଏ ।
ଅମିତାଭଙ୍କ ଆଗାମୀ ଚଳଚ୍ଚିତ୍ର ‘ଝୁଣ୍ଡ୍’ ଜୁନ୍ ୧୮ ତାରିଖରେ ପ୍ରେକ୍ଷାଳୟରେ ମୁକ୍ତିଲାଭ କରିବ। ଏହି ଚଳଚ୍ଚିତ୍ରର ନିର୍ଦେଶନା ଦେଇଛନ୍ତି ନାଗରାଜ ପୋପାତ୍ରାଓ ମୁଞ୍ଜୁଲେ। ଏହାବ୍ୟତୀତ ଏବର୍ଷ ଏପ୍ରିଲ୍ ୩୦ରେ ମୁକ୍ତିଲାଭ କରୁଥିବା ‘ଚେହେରେ’ ଚଳଚ୍ଚିତ୍ରରେ ମଧ୍ୟ ଅମିତାଭଙ୍କ ଅଭିନୟ ଦେଖିବାକୁ ମିଳିବ।
