ସନ୍ଷ୍ଟାର ଟିଭି ବ୍ୟୁରୋ
(image courtesy- ANI)
ମୁମ୍ବାଇ: ଉଦ୍ୟାଗପତି ମୁକେଶ ଅମ୍ବାନୀଙ୍କ ମୁମ୍ବାଇସ୍ଥିତ ବାସଭବନ ‘ଏଣ୍ଟିଲିଆ’ ବାହାରେ ଏକ ବିସ୍ଫୋରକ ଭରା କାର୍ ଜବତ ହୋଇଛି । ସେହି କାର୍ର ଡ୍ରାଇଭର୍ ସିଟ୍ ପାଖ ସିଟ୍ରେ ରଖାଯାଇଥିବା ଏକ ‘ମୁମ୍ବାଇ ଇଣ୍ଡିଆନ୍ସ୍’ ବ୍ୟାଗ୍ରୁ ମିଳିଥିବା ଏହି ଚିଠି ମିଳିଛି । ସେହି ଚିଠିରେ ଉଲ୍ଲେଖ ରହିଛି ‘ୟେ ସିର୍ଫ ଟ୍ରେଲର୍ ହୈ ମୁକେଶ ଭେୟା ଅର୍ ନୀତା ଭାବି’। ଯାହାକୁ ନେଇ ଥାନାରେ ଏଫ୍ଆଇଆର୍ ମଧ୍ୟ ଦିଆଯାଇଛି ।
(Image Courtesy-ANI)
ମୁମ୍ବାଇସ୍ଥିତ ମୁକେଶକ ଅମ୍ବାନୀଙ୍କ ଘର ନିକଟରେ ରଖାଯାଇଥିବା କାର୍ ସଂକ୍ରାନ୍ତରେ ସ୍ୱୟଂ ଅଭିଯୁକ୍ତମାନେ ହିଁ ପୁଲିସକୁ ଫୋନ୍ କରିଥିଲେ ବୋଲି ପୁଲିସ ସନ୍ଦେହ କରୁଛି । ମୁକେଶ ଅମ୍ବାନୀଙ୍କ ଘର ବାହାରେ ବିସ୍ଫୋରକ ସାମଗ୍ରୀ ଭରା ଗାଡ଼ି ରଖିବା ଯୋଜନା ମାସେ ଧରି ଚାଲିଥିବା କଥା ମଧ୍ୟ ମୁମ୍ବାଇ ପୁଲିସ ସୂତ୍ରରୁ ଜଣାପଡ଼ିଛି ।
ପୁଲିସ କହିଛି, ଅଭିଯୁକ୍ତମାନେ ଉକ୍ତ ଗାଡ଼ିଟିକୁ ମୁକେଶ ଅମ୍ବାନିଙ୍କ ନିବାସ ‘ଆଣ୍ଟିଲିଆ’ର ଅତି ନିକଟରେ ରଖିବାକୁ ଚାହୁଁଥିଲେ, କିନ୍ତୁ ନିରାପତ୍ତା କାରଣରୁ ସେମାନେ ଗାଡ଼ିଟିକୁ ଘର ଠାରୁ କେତେ ଶହ ମିଟର୍ ଦୂରରେ ରଖି ଚାଲିଯାଇଥିଲେ। ସେମାନେ ମୁକେଶଙ୍କ ପରିବାରକୁ ‘ଟ୍ରାକିଙ୍ଗ୍’ କରୁଥିବା କଥା ମଧ୍ୟ ପୁଲିସ କହିଛି ।ତେବେ ଏହାପରେ ମୁକେଶ ଅମ୍ଵାନୀଙ୍କ ଘର ବାହାରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।
