ସନ୍ଷ୍ଟାର ଟିଭି ବ୍ୟୁରୋ
ଅହମ୍ମଦାବାଦ: ଗତକାଲି ଭାରତ- ଇଂଲଣ୍ଡ ମଧ୍ୟରେ ଟେଷ୍ଟ ସିରିଜର ତୃତୀୟ ମ୍ୟାଚକୁ ଭାରତ ବିନା କୌଣସି ଓ୍ଵିକେଟ ହରାଇ ମ୍ୟାଚ୍ରେ ବିଜୟ ଲାଭ କରିଥିଲା । ଏଥିସହିତ ଆଇସିସି ବିଶ୍ୱ ଟେଷ୍ଟ ଚାମ୍ପିଅନ୍ସିପ୍ ପଏଣ୍ଟ ତାଲିକାର ମଧ୍ୟ ଶୀର୍ଷରେ ପହଞ୍ଚିଛି । ଏହି ମ୍ୟାଚ ଜିତି ଭାରତ ମୋଟ ୩୯୦ ପଏଣ୍ଟ ଅକ୍ତିଆର କରିସାରିଛି । ନିୟମ ଅନୁଯାୟୀ ହାରାହାରି ପଏଣ୍ଟରେ ଶ୍ରେଷ୍ଠ ୨ ଦଳ ଫାଇନାଲ୍ ଖେଳିବେ ।
ଭାରତ ୭୧.୦ ପ୍ରତିଶତ ପଏଣ୍ଟ ହାସଲ କରି ତାଲିକାର ପ୍ରଥମ ସ୍ଥାନ ଅଧିକାର କରିଛି । ନ୍ୟୁଜିଲାଣ୍ଡ ୭୦.୦ପ୍ରତିଶତ ପଏଣ୍ଟ ସହ ଦ୍ୱିତୀୟ ସ୍ଥାନରେ ରହିଥିବାବେଳେ ଅଷ୍ଟ୍ରେଲିଆ ୬୯.୨ପ୍ରତିଶତ ପଏଣ୍ଟ ସହ ତୃତୀୟ ସ୍ଥାନକୁ ଉଠିଛି । ତୃତୀୟ ଟେଷ୍ଟ ପରାଜିତ ହେବା ଫଳରେ ଇଂଲଣ୍ଡ ୬୪.୧ ପ୍ରତିଶତ ପଏଣ୍ଟ ସହ ଚତୁର୍ଥ ସ୍ଥାନକୁ ଖସି ଫାଇନାଲ୍ ଦୌଡରୁ ବାଦ ପଡ଼ିଛି ।ତେବେ ଚତୁର୍ଥ ଟେଷ୍ଟ ନିର୍ଣ୍ଣାୟକ ଭୂମିକା ଗ୍ରହଣ କରିବ । ଏହି ମ୍ୟାଚକୁ ଭାରତକୁ ଅନ୍ତତଃ ପକ୍ଷେ ଡ୍ର ରଖିବାକୁ ପଡିବ । ନଚେତ୍ ଇଂଲଣ୍ଡ ଜିତିଲେ ଭାରତର ଫାଇନାଲ୍କୁ ଯିବା ସ୍ୱପ୍ନ ମାଟିରେ ମିଶିଯିବ ।
