ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ରାଜ୍ୟରେ ଦିନକୁ ଦିନ ତୈଳ ଦର ଆକାଶ ଛୁଆଁ ହେବାରେ ଲାଗିଛି । ମାଲକାନଗିରି ଜିଲ୍ଲାରେ ଆଜି ପେଟ୍ରୋଲ ଦର ଶହେ ଟପିଛି । ତେବେ ଏହି ପେଟ୍ରୋଲ ଦର ବୃଦ୍ଧି ପ୍ରତିବାଦରେ ରାଜ୍ୟ କଂଗ୍ରେସ ଦଳର ନେତା ମାନେ ଆଜି ସାଇକେଲ ରାଲି କରିଥିବା ଦେଖାଯାଇଛି ।ସାଇକେଲରେ କଂଗ୍ରେସ ଭବନରୁ ବାହାରି ବିଧାନସଭାରେ ପହଞ୍ଚିଛନ୍ତି କଂଗ୍ରେସ ବିଧାୟକ । ତାରାବାହୀନିପତି, ସୁର ରାଉତରାୟ ଭଳି ବରିଷ୍ଠ ନେତାମାନେ ଏହି ରାଲି କରୁଥିବାର ଦେଖାଯାଇଥିଲା ।
ତେବେ ଆଜି ସମ୍ବଲପୁର ଓ ବ୍ରହ୍ମପୁରରେ ଡିଜେଲ ଦର ୮୯ଟଙ୍କାରୁ ଅଧିକ ରହିଛି । ସେହିପରି ଭୁବନେଶ୍ୱରରେ ଡିଜେଲ ଲିଟର ପିଛା ଦର ୮୮ ଟଙ୍କା ୯୫ ପଇସା ରହିଛି । ମାଲକାନଗିରି ଜିଲ୍ଲାରେ ପେଟ୍ରୋଲ ଦର ସର୍ବାଧିକ ରହିଛି । ଏଠାରେ ପେଟ୍ରୋଲ ଦର ଲିଟର ପିଛା ୧୦୦ ଟପିଛି । କାଲିମେଳାରେ ପେଟ୍ରୋଲ ଲିଟର ପିଛା ଦର ୯୭ଟଙ୍କା ୧୪ ପଇସା ରହିଛି ।
