ସନ୍ଷ୍ଟାର ଟିଭି ବ୍ୟୁରୋ
ମୁମ୍ବାଇ: କଲର୍ସ ଟେଲିଭିଜନରେ ପ୍ରସାରିତ ଲୋକପ୍ରିୟ ରିଆଲିଟି ଶୋ ବିଗ୍ବସ୍-୧୪ ସିଜିନ୍ର ବିଜେତା ହୋଇଛନ୍ତି ରୁବିନା ଦିଲୈକ ।ତେବ ବିଗ୍ବସ୍ ଫ୍ୟାନମାନଙ୍କ ଅନୁମାନକୁ ସତରେ ପରିଣତ ହୋଇଛି । ରବିବାର ରାତ୍ରୀରେ ଏନେଇ ଘୋଷଣା କରାଯାଇଛି । ଗ୍ରାଣ୍ଡ ଫିନାଲରେ ଅନ୍ୟତମ ପ୍ରତିଯୋଗୀ ରାହୁଲ ବୈଦ୍ୟଙ୍କୁ ପଛରେ ପକାଇ ସେ ଏହି ସଫଳତା ହାସଲ କରିପାରିଛନ୍ତି । ବିଜେତା ଭାବେ ତାଙ୍କୁ ଟ୍ରଫି ଓ ୩୬ ଲକ୍ଷ ଟଙ୍କା ପୁରସ୍କାର ମିଳିଛି । ରୁବିନା ବିଗ୍ବସ୍ ଆରମ୍ଭରୁ ଶେଷ ଯାଏଁ ଖୁବ୍ ଭଲ ଖେଳୁଥିଲେ ଓ ଜନତା ଭୋଟିଂରେ ମଧ୍ୟ ସେ ସବୁବେଳେ ଆଗରେ ରହୁଥିଲେ ।
ଗତବର୍ଷ ଅକ୍ଟୋବର ୩ ତାରିଖରେ ଏହି ଶୋ’ ଆରମ୍ଭ ହୋଇଥିଲା । ପ୍ରାରମ୍ଭରେ ୨୩ ଜଣ ପ୍ରତିଯୋଗୀ ସାମିଲ ହୋଇଥିଲେ । ମାତ୍ର ଗ୍ରାଣ୍ଡ ଫିନାଲକୁ ୫ ଜଣ ରାଖୀ ସାୱନ୍ତ, ଅଲି ଗୋନି, ନିକି ତାମ୍ବୋଲି, ରାହୁଲ ଓ ରୁବିନା ଯାଇଥିଲେ । ତେବେ ସେମାନଙ୍କ ମଧ୍ୟରେ ପ୍ରଥମେ ୧୪ ଲକ୍ଷ ନେଇ ଶୋ’ରୁ ଓହରି ଯାଇଥିଲେ ରାଖୀ ସାୱନ୍ତ । ଏହାପରେ ଅଲି ଗୋନି, ନିକି ତାମ୍ବୋଲି ଶୋ ରୁ ବିଦା ହୋଇଥିଲେ । ଫଳରେ ରାହୁଲ ଓ ରୁବିନାଙ୍କ ମଧ୍ୟରେ କଡା ପ୍ରତିଦ୍ୱନ୍ଦ୍ୱିତା ଦେଖିବାକୁ ମିଳିଥିଲା ।ବିଗ୍ବସ୍ର ହୋଷ୍ଟ ତଥା ବଲିଉଡ୍ ଅଭିନେତା ସଲମାନ ଖାନ ବିଜେତା ଭାବେ ରୁବିନାଙ୍କ ନାମ ଘୋଷଣା କରିଥିଲେ ।
ନୋରା ଫତେହି, ରୀତେଶ ଦେଶମୁଖ ଓ ଧର୍ମେନ୍ଦ୍ର ଅତିଥି ଭାବେ କାର୍ଯ୍ୟକ୍ରମରେ ଯୋଗଦେଇଥିଲେ ।
ଦୀର୍ଘ ୧୪୦ ଦିନ ଧରି ଚାଲିଥିବା କଲର୍ସ ଟେଲିଭିଜନ ଚ୍ୟାନେଲରେ ପ୍ରସାରିତ ହୋଇଆସିଥିବା ଏହି ରିୟଲିଟି ଟିଭି ଶୋ’ ରବିବାର ଶେଷ ହୋଇଛି ।
ତେବେ ରୁବିନା ଏହି ଶୋ ଜିତିବାର ଅନେକ କାରଣ ଥିଲା । ବିଗ୍ବସର ରୁବିନା ପ୍ରଥମେ ତାଙ୍କ ସ୍ଵାମୀ ଅଭିନବ୍ ଶୁକ୍ଳାଙ୍କ ସହ ବିଗ୍ବସ୍ ସିଜିନରେ ପ୍ରବେଶ କରିଥିଲେ ।ଆରମ୍ଭରୁ ସେ ନିଜର ସ୍ପଷ୍ଟବାଦିତା ପାଇଁ ତାଙ୍କୁ ସଲମାନଙ୍କ ରାଗର ଶିକାର ହୋଇଥିଲେ । ତାଙ୍କୁ ଅନେକ ସଂଘର୍ଷର ସାମ୍ନା କରିବାକୁ ପଡିଥିଲେ ମଧ୍ୟ ସେ କେବେ ଭାଙ୍ଗି ପଡିନଥିଲେ । ସେ ସବୁ ବିବାଦୀୟ ପରସ୍ଥିତିକୁ ସମ୍ମୁଖୀନ କରୁଥିଲେ । ନିଜକୁ ସବୁବେଳେ ଶାନ୍ତ ଓ ନମ୍ର ରଖିବାକୁ ଚେଷ୍ଟା କରିଥିଲେ । ନିଜ ଭୁଲ୍ ପାଇଁ ସେ ସବୁବେଳେ କ୍ଷମା ମଧ୍ୟ ମାଗିଥିଲେ । ସେଥିପାଇଁ ସେ ଫ୍ୟାନମାନଙ୍କର ମଧ୍ୟ ବେଶ୍ ପ୍ରିୟ ଥିଲେ ।
This was only and ony possible because of my FANS….. thank you thank you 😘😘🙏🏼😊❤️ pic.twitter.com/CfNFUk603m
— Rubina Dilaik (@RubiDilaik) February 21, 2021
