ସନ୍ଷ୍ଟାର ଟିଭି ବ୍ୟୁରୋ
ମୁମ୍ବାଇ : ବଲିଉଡ୍ ସେଲିବ୍ରେଟିମାନେ ସବୁବେଳେ ନିଜ ଲାଇଫ୍ଷ୍ଟାଇଲ ଓ ରହଣୀକୁ ନେଇ ବେଶ୍ ଚର୍ଚ୍ଚାରେ ରହିଥାନ୍ତି । ଅଭିନେତ୍ରୀ ଜ୍ୟାକଲିନ୍ ମଧ୍ୟ ଏବେ ରହୁଥିବା ଘରକୁ ନେଇ ବେଶ୍ ଚର୍ଚ୍ଚାରେ ଅଛନ୍ତି । କାରଣ ସେ ଏବେ ପ୍ରିୟଙ୍କା ଚୋପ୍ରାଙ୍କ ଘରେ ଭଡାଟିଆ ଭାବେ ରହୁଛନ୍ତି । ଯେଉଁଥିପାଇଁ ତାଙ୍କୁ ମାସିକ ଲକ୍ଷ ଲକ୍ଷ ଟଙ୍କା ଦେବାକୁ ପଡୁଛି ।
କିଛି ମାସ ପୂର୍ବରୁ ଜ୍ୟାକଲିନ ପ୍ରିୟଙ୍କାଙ୍କ ମୁମ୍ବାଇ ସ୍ଥିତ ଆପାର୍ଟମେଣ୍ଟ କର୍ମଯୋଗକୁ ଭଡାରେ ନେଇଥିଲେ। ପ୍ରିୟଙ୍କା ବିଦେଶରେ ରହିବା ପରେ ତାଙ୍କର ସେହି ଘରେ ମା’ ମଧୁ ଚୋପ୍ରା ଓ ଭାଇ ସିଦ୍ଧାର୍ଥ ରହୁଥିଲେ । କିନ୍ତୁ ସେମାନେ ୟାରୀ ରୋଡ଼ ସ୍ଥିତ ଆପାର୍ଟମେଣ୍ଟକୁ ସ୍ଥାନାନ୍ତର ହୋଇଗଲା ପରେ ସେହି ଘରକୁ ଭଡାରେ ନେଇଥିଲେ ଜ୍ୟାକଲିନ୍ ।
ପ୍ରିୟଙ୍କାଙ୍କ ଏହି ଆପାର୍ଟମେଣ୍ଟ ପ୍ରାଇମ ଲୋକେସନରେ ଅଛି ଏବଂ ଏହି ଘରେ ସବୁ ପ୍ରକାର ସୁବିଧା ରହିଛି। ଜ୍ୟାକଲିନ ପ୍ରତି ମାସରେ ୬ ଲକ୍ଷ ୭୮ ହଜାର ଟଙ୍କା ଘର ଭଡା ଦେଉଛନ୍ତି। ରିପୋର୍ଟ ଅନୁଯାୟୀ, ଜ୍ୟାକଲିନ ୩ ବର୍ଷ ପାଇଁ ପ୍ରିୟଙ୍କାଙ୍କ ଏହି ଘର ଭଡା ନେଇଛନ୍ତି। ଏହି ୩ ବର୍ଷରେ ଜ୍ୟାକଲିନ ପ୍ରିୟଙ୍କାଙ୍କୁ ଘର ଭଡା ବାବଦକୁ ୨ କୋଟି ୪୪ ଲକ୍ଷ ୮ ହଜାର ଟଙ୍କା ଦେବେ। ତେବେ ୩ ବର୍ଷ ପରେ ସେ ଏହି ଆପାର୍ଟମେଣ୍ଟରେ ରହିବେ ନା ଛାଡ଼ିବେ ତାହା ଜଣାପଡିନାହିଁ ।
ବର୍ତ୍ତମାନ ଜ୍ୟାକଲିନ ଫିଲ୍ମ ସୁଟିଂରେ ବହୁତ ବ୍ୟସ୍ତ ଅଛନ୍ତି। ସେ ନିକଟରେ ସୈଫ ଅଲି ଖାନ ଙ୍କ ସହ ଭୁତ ପୋଲିସ ଫିଲ୍ମର ସୁଟିଂ ସାରିଛନ୍ତି। ଖୁବ ଶୀଘ୍ର ସେ ରୋହିତ ସେଟ୍ଟୀଙ୍କ ଫିଲ ସର୍କସର ସୁଟିଂ ଆରମ୍ଭ କରିବେ। ଅକ୍ଷୟ କୁମାରଙ୍କ ସହ ବଚ୍ଚନ ପାଣ୍ଡେ ଫିଲ୍ମରେ ମଧ୍ୟ ନଜର ଆସିବେ ଜ୍ୟାକଲିନ ।
