ସନ୍ଷ୍ଟାର ଟିଭି ବ୍ୟୁରୋ
ବସ୍ତା: ବାଲେଶ୍ବର ଜିଲ୍ଲା ବସ୍ତା ଥାନା ଅନ୍ତର୍ଗତ ୬୦ନମ୍ବର ଜାତୀୟ ରାଜପଥରେ ଘଟିଛି ଏକ ଦୁଃଖଦ ଘଟଣା । ଏକ ଗୋରୁ ବୋଝେଇ କଣ୍ଟେନରକୁ ବୋଲେରୋ ଧକ୍କା ଦେବା ଫଳରେ କଣ୍ଟେନଟି ୩୦ଫୁଟ ତଳକୁ ଖସି ପଡ଼ିଥିଲା । ଫଳରେ ସେହି ଗାଡି ମଧ୍ୟରେ ଥିବା ୩୫ ଗୋରୁଙ୍କ ସହ ୩ ଜଣ ଲୋକଙ୍କର ମୃତ୍ୟୁ ଘଟିଛି । ଓ ଆହାତ ହୋଇଥିବା ଗୋରୁମାନଙ୍କୁ ନିକଟସ୍ଥ ଗୋଶାଳାକୁ ପଠାଇ ଦିଆଯାଇଛି ।
ଭଦ୍ରକ ପଟୁ ଶହେରୁ ଅଧିକ ଗୋରୁ ବୋଝେଇ କରି ପଶ୍ଚିମବଙ୍ଗ ଅଭିମୁଖେ ଯାଉଥିବା ସମୟରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି । ଖବର ପାଇ ବସ୍ତା ଥାନା ପୁଲିସ ଏବଂ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ତେବେ ମୃତ୍ୟୁ ସଂଖ୍ୟା ଆହୁରି ବଢ଼ିପାରେ ବୋଲି ସୂଚନା ମିଳୁଛି ।
