ସନ୍ଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ଜାନୁଆରୀ ୨୬ ଗଣତନ୍ତ୍ର ଦିବସ ଅବସରରେ ଦିଲ୍ଲୀରେ ଚାଷୀଙ୍କ ଟ୍ରାକ୍ଟର ରାଲି ହେବା ପରିବର୍ତ୍ତେ ଦେଖାଯାଇଥିବା ହିଂସାକାଣ୍ଡର ମୁଖ୍ୟ ଅଭିଯୁକ୍ତଙ୍କ ମଧ୍ୟରୁ ଆଉ ଜଣଙ୍କୁ ଗିରଫ କରିଛି ଦିଲ୍ଲୀ ପୋଲିସ । ଗିରଫ ଅଭିଯୁକ୍ତର ନାମ ହେଉଛି ମନିନ୍ଦର ସିଂହ । ପୋଲିସଙ୍କ କହିବା ଅନୁଯାୟୀ ହିଂସାକାଣ୍ଡ ସମୟରେ ହାତରେ ଖଣ୍ଡା ଧରି ହିଂସାକୁ ଉସ୍କାଉଥିବା ବ୍ୟକ୍ତି ହେଲେ ମନିନ୍ଦର ସିଂହ । ଗିରଫ ବେଳେ ମନିନ୍ଦିର ନିକଟରୁ ପୋଲିସ ଦୁଇଟି ଖଣ୍ଡା ଜବତ କରାଯାଇଛି ।
ଏହା ପୂର୍ବରୁ ଏହାପୂର୍ବରୁ ପୋଲିସ ମୁଖ୍ୟ ଅଭିଯୁକ୍ତ ବୋଲି କୁହାଯାଉଥିବା ପଞ୍ଜାବୀ ଅଭିନେତା ଦିପ୍ ସିଦ୍ଧୁଙ୍କୁ ପୋଲିସ ଗିରଫ କରିଥିଲା । ଦିପ୍ ସିଦ୍ଧୁ ହିଂସାକାଣ୍ଡ ପଛର ମାଷ୍ଟରମାଇଣ୍ଡ୍ ଥିଲା ବୋଲି ପୋଲିସ କହୁଛି ।
