ସନ୍ଷ୍ଟାର ଟିଭି ବ୍ୟୁରୋ
ମୁମ୍ବାଇ: ଭାଲେଣ୍ଟାଇନ ଡେରେ ଫ୍ୟାନମାନଙ୍କୁ ଉପହାର ଦେବାକୁ ଯାଇ ରିଲିଜ ହୋଇଛି ଲୋକପ୍ରିୟ ଅଭିନେତା ପ୍ରଭାବଙ୍କ ଅପକଂମିଙ୍ଗ ଫିଲ୍ମ ‘ରାଧେଶ୍ୟାମ’ର ଟିଜର । ସାମ୍ନାକୁ ଆସିଛି ରାଧେଶ୍ୟାମ ଫିଲ୍ମର ପ୍ରଥମ ଝଲକ । ଏହା ସହ ଫିଲ୍ମର ରିଲିଜ ତାରିଖ ମଧ୍ୟ ଘୋଷଣା ହୋଇସାରିଛି । ପ୍ରଭାସ-ପୂଜା ହେଗଡ଼େଙ୍କ ଏହି ରୋମାଣ୍ଟିକ ଫିଲ୍ମ ‘ରାଧେଶ୍ୟାମ’ ଚଳିତ ବର୍ଷ ଜୁଲାଇ ୩୦ ତାରିଖରେ ବଡ଼ ପରଦାରେ ରିଲିଜ୍ ହେବାକୁ ଯାଉଛି ।
୫୩ ସେକେଣ୍ଡର ଏହି ଟିଜରରେ ପ୍ରଭାସ ଓ ପୂଜା ରୋମାଣ୍ଟିକ ଅନ୍ଦାଜରେ ନଜର ଆସିଛନ୍ତି । ପ୍ରଭାସ ଇଟାଲୀ ଭାଷାରେ ପୂଜାଙ୍କୁ ପ୍ରପୋଜ କରୁଥିବାର ନଜର ଆସିଛି । ଟିଜରରେ ପୂଜା ପ୍ରଭାସକୁ ନିଜକୁ ରୋମିଓ ଭାବୁଛ ବୋଲି କହିବାରୁ ବଡ ରୋମାଣ୍ଟିକ ଅନ୍ଦାଜରେ ଉତ୍ତର ଦେଇଛନ୍ତି ପ୍ରଭାସ । ଟିଜରରେ ପ୍ରଭାସ, ପୂଜାଙ୍କୁ କହୁଛନ୍ତି- ରୋମିଓ ତ ପ୍ରେମ ପାଇଁ ଜୀବନ ଦେଇଥିଲେ। ମୁଁ ସେହିଭଳି ମଣିଷ ନୁହେଁ ।
ତେବେ ଏହି ଫିଲ୍ମର ନିର୍ଦ୍ଦେଶନା ଦାୟିତ୍ଵ ତୁଲାଇଛନ୍ତି କୃଷ୍ଣ କୁମାର । ୟୁବି କ୍ରିଏସନ୍ ଦ୍ୱାରା ଏହା ନିର୍ମିତ ହୋଇଛି । ଫିଲ୍ମରେ ପ୍ରଭାସ ଏବଂ ପୂଜା ହେଗଡେ ମୁଖ୍ୟ ଭୂମିକା ଗ୍ରହଣ କରିଥିବା ବେଳେ ସଚିନ ଖେଡକର, ପ୍ରିୟଦର୍ଶୀ, ଭାଗ୍ୟଶ୍ରୀ, ମୁରଲୀ ଶର୍ମା ପ୍ରମୁଖ ଭୂମିକାରେ ନଜର ଆସିବେ। ଭୂଷଣ କୁମାର, ଵାମସୀ ଏବଂ ପ୍ରମୋଦଙ୍କ ଦ୍ୱାରା ଏହି ଫିଲ୍ମଟି ନିର୍ମିତ ହୋଇଛି ।
