ସନ୍ଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ଉତ୍ତରାଖଣ୍ଡ ଚମୋଲିର ଜଳ ପ୍ରଳୟରେ ବର୍ତ୍ତମାନ ସୁଦ୍ଧା 14 ଜଣଙ୍କ ମୃତ୍ୟୁ ଘଟିଛି । ଏହାସହ 15 ଜଣ ଉଦ୍ଧାର ହୋଇଥିବା ଚମୋଲି ପୋଲିସ ପକ୍ଷରୁ ଟ୍ବିଟ୍ କରି କୁହାଯାଉଛି । ସେହିପରି ଅନେକ ନିଖୋଜ ଥିବା ଜଣାପଡିଛି ।
ସେହିପରି ଟର୍ନେଲରେ ଫସି ଥିବା ଲୋକଙ୍କ ଉଦ୍ଧାର କାର୍ଯ୍ୟ ଜାରି ରହିଛି । ଜେସିବି ସହାୟତାରେ ଟର୍ନେଲରେ ପସି ରାସ୍ତା ଖୋଲିବାର ପ୍ରୟାସ ଜାରି ରହିଛି । ଅନ୍ୟପଟେ ତୋପବନର ଏକ ସୁଡଙ୍ଗରେ 30 ଜଣ ଲୋକ ଫସି ରହିଥିବା କୁହାଯାଉଛି । ଆଇଟିବିପି ଯବାନ ମାନେ ଏମାନଙ୍କୁ ଉଦ୍ଧାର କରିବାକୁ ପ୍ରୟାସ ଜାରି ରଖିଛନ୍ତି ।
ସେପଟେ ଉଦ୍ଧାର କାର୍ଯ୍ୟପାଇଁ ଏମଆଇ-17 ଓ ଏଏଲଏଚ ହେଲିକପ୍ଟର ଡେରାଡୁନରୁ ଘଟଣାସ୍ଥଳକୁ ଯାଇଛି । ସୂଚନାଥାଉକି, ଗତକାଲି ଅଚାନକ ଉତ୍ତରାଖଣ୍ଡର ଚମୋଲିର ଜଳ ପ୍ରଳୟ ହୋଇଥିଲା । ଯେଉଁଥିରେ ଅନେକ ଧନ ଜୀବନ ନଷ୍ଟ ହୋଇଛି ।
