ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ରାଜଧାନୀ ଭୁବନେଶ୍ଵରେ ନିର୍ମମ ହତ୍ୟାକାଣ୍ଡ । ଆଜି ସକାଳୁ ରାସ୍ତା କଡ଼ରୁ ଦେଖିବାକୁ ମିଳିଛି ମହିଳାଙ୍କ ମୁଣ୍ଡବିହୀନ ମୃତଦେହ । ଭୁବନେଶ୍ବର ଅନ୍ଧାରୁଆ-ଦାସପୁର ରାସ୍ତା କଡ଼ରେ ପଡ଼ଛି ମୃତଦେହ । ମୃତ ଦେହ ପାଖରେ ଚାରୋଟି ଗ୍ଲୋବ୍ସ ପଡିଥିବାର ଦେଖିବାକୁ ମିଳିଛି । ତେବେ ଦୁଇ ଜଣ ଦୁର୍ବୁତ୍ତ ଏହି ହତ୍ୟାକାଣ୍ଡରେ ସାମିଲ ଥିବା ପୋଲିସ ସନ୍ଦେହ କରୁଛି ।
ଅପରପକ୍ଷେ ଘଟଣାସ୍ଥଳରେ ଭରତପୁର ପୋଲିସ ଓ ସାଇଣ୍ଟିଫିକ୍ ଟିମ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି । ତେବେ ଶରୀରର ମୁଣ୍ଡ ମିଳି ନଥିବାରୁ ତାଙ୍କ ପରିଚୟ ଏଯାଏଁ ମିଳିପାରିନାହିଁ । ତେବେ ମହିଳା ଜଣକ କିଏ, ତାଙ୍କୁ କିଏ ହତ୍ୟା କରିଛି ଏ ବିଷୟରେ ପୋଲିସ ତଦନ୍ତ ଜାରି ରଖିଛି ।
