ସନ୍ଷ୍ଟାର ଟିଭି ବ୍ୟୁରୋ
ମୁମ୍ଵାଇ: ବଲିଉଡ ଅଭିନେତ୍ରୀ କଙ୍ଗନା ରାଣାୱତ କୃଷି ଆନ୍ଦୋଳନକୁ ସବୁବେଳେ ବିରୋଧ କରି ଆସିଛନ୍ତି । ଗଣତନ୍ତ୍ର ଦିବସରେ ଚାଷୀମାନଙ୍କ ହିଂସାକାଣ୍ଡ ପରେ ଏହାକୁ ଅଧିକ ସମାଲୋଚନା କରିଥିଲେ କଙ୍ଗନା ରାଣାୱତ । ନିଜ ଟ୍ଵିଟର ଆକାଉଣ୍ଟରେ ଖୁବ୍ ସମାଲୋଚନା କରିଛନ୍ତି ଅଭିନେତ୍ରୀ କଙ୍ଗନା ।ହଲିଉଡ୍ ଜଗତର ପପ୍ ସିଙ୍ଗର ରିହାନ୍ନାଙ୍କ ଟ୍ଵିଟରେ ଅସନ୍ତୋଷ ପ୍ରକାଶ କରି ଅଭିନେତ୍ରୀ କଙ୍ଗନା ଟ୍ଵିଟ୍ କରିଥିବା ବେଳେ ଏବେ ଭାରତୀୟ କ୍ରିକେଟ୍ ଖେଳାଳୀ ରୋହିତ ଶର୍ମାଙ୍କୁ ମଧ୍ୟ ଟାର୍ଗେଟ କରିଥିଲେ କଙ୍ଗନା ଅପଶବ୍ଦ ବ୍ୟବହାର କରି କଙ୍ଗନା ଟୁଇଟ କରିଥିବାରୁ କଙ୍ଗନାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛି ଟ୍ଵିଟର ।
କଙ୍ଗନାଙ୍କ ଟୁଇଟର ଜବାବ ରୋହିତ ଶର୍ମା ଦେବା ପୂର୍ବରୁ କଙ୍ଗନାଙ୍କ ଟୁଇଟ ହଟାଇ ଦେଇଥିଲା ଟୁଇଟର । ଏଥିସହ ଏହି ଟ୍ଵିଟ୍ ନିୟମର ଉଲ୍ଲଂଘନ କରୁଛି ବୋଲି କହିଥିଲା ଟ୍ଵିଟର । ଟୁଇଟର ଲେଖିଛି ଯେ, ଟୁଇଟରେ ଯେଉଁ ଭାଷା ଲେଖାଯାଇଥିଲା, ତାହା ଆମ ନିୟମ ଅନୁଯାୟୀ ଗ୍ରହଣୀୟ ନୁହେଁ । ଆମେ କେବଳ ଆମ ନିୟମର ଉଲ୍ଲଂଘନ କରୁଥିବା ଟୁଇଟକୁ ହଟାଇଛୁ ।
