ସନ୍ଷ୍ଟାର ଟିଭି ବ୍ୟୁରୋ
ରାୟଗଡା: ରାୟଗଡା କାଶୀପୁରର ଘଟିଛି ଏକ ଦୁଃଖଦ ଘଟଣା । କୁଡିଆ ଘରେ ଥିବା ସମୟରେ ଦୁଇ ଜଣ ନାବାଳିକା ଜୀବନ୍ତ ଦଗ୍ଧ ହୋଇଯାଇଥିବା ସୂଚନା ମିଳିଛି । କାଶୀପୁରର ତଳଜଗି ପଞ୍ଚାୟତ ଲାକ୍ରିସ ଗାଁରେ ଘଟିଛି ଏପରି ଅଭାବନୀୟ ଘଟଣା ।ପରିବା ବିଲ ଜଗିବାକୁ ତିଆରି ହୋଇଥିବା କୁଡିଆରେ ଏହି ଅଗ୍ନୀକାଣ୍ଡ ଘଟିଛି । ତେବେ ଏପରି ଘଟିବା ସମୟରେ ପାଖରେ କେହି ନଥିବା ସୂଚନା ମିଳିଛି । ଘଟଣା ଘଟିବା ସମୟରେ ମୃତକଙ୍କ ବାପା ମା ଘରକୁ ଖାଇବା ଆଣିବା ପାଇଁ ଯାଇଥିଲେ । ମୃତକ ଦୁଇ ଜଣଙ୍କ ବୟସ ୧୦ ଓ ୧୨ ହୋଇଥିବା ସୂଚନା ମିଳିଛି ।ତେବେ ଅଗ୍ନୀକାଣ୍ଡର କାରଣ ଏଯାଏଁ ଅସ୍ପଷ୍ଟ ରହିଛି ।
