ସନ୍ଷ୍ଟାର ଟିଭି ବ୍ୟୁରୋ
ମୁମ୍ଵାଇ: ରିଆଲିଟି ଶୋ ବିଗ୍ବସ୍ର ପୂର୍ବ ସିଜିନରେ ପ୍ରତିଯୋଗୀ ଭାବେ ନଜର ଆସିଥିବା ସିଦ୍ଧାର୍ଥ ଶୁକ୍ଳା ଓ ଶେହନାଜ ଗିଲ୍ଙ୍କ ଯୋଡ଼ିକୁ ଦର୍ଶକେ ଖୁବ୍ ପସନ୍ଦ କରିଥାନ୍ତି । ବିଗ୍ବସ୍ ହାଉସ୍ରୁ ବାହାରିବା ପରେ ଦୁହେଁ ଦୁହିଁଙ୍କୁ ଡେଟ ନଚେତ୍ ବିବାହ କରିବେ ବୋଲି ଫ୍ୟାନମାନଙ୍କ ଗହଣରେ ବେଶ୍ ଚର୍ଚ୍ଚା ହେଉଥିଲା । ସେମାନଙ୍କ ବିବାହ ଦେଖିବାକୁ ମଧ୍ୟ ଫ୍ୟାନ୍ମାନେ ଅପେକ୍ଷା କରିଛନ୍ତି । ତେବେ ଏହା ମଧ୍ୟରେ ଆସିଛି ଏପରି ଫୋଟୋ ଯାହାକୁ ଦେଖି ସମସ୍ତେ ବେଶ୍ ଆଶ୍ଚର୍ଯ୍ୟ ହୋଇଯାଇଛନ୍ତି ।
ଇନ୍ଷ୍ଟାଗ୍ରାମରେ ଶେହନାଜ୍ ଓ ସିଦ୍ଧାର୍ଥଙ୍କ ଫ୍ୟାନ ପେଜରେ ଏକ ଫୋଟୋ ସେୟାର ହୋଇଛି । ଯେଉଁ ଫୋଟୋରେ ଶେହେନାଜ ମଥାରେ ସିନ୍ଦୁର ଓ ବେକରେ ମଙ୍ଗଳସୂତ୍ର ପିନ୍ଧିଥିବା ଦେଖିବାକୁ ମିଳିଛି ଓ ପାଖରେ ସିଦ୍ଧାର୍ଥ ଶୁକ୍ଳା ବସିଥିବାର ନଜର ଆସିଛନ୍ତି । ତେବେ ଏହି ଫୋଟୋର କ୍ୟାପସନ୍ରେ ଲେଖାଯାଇଛି, ‘ଏମିତି କିଏ କଲା ?’
କ୍ୟାପସନ୍ରୁ ଜଣାପଡ଼ୁଛି ଯେ ଏହା ଏକ ଏଡିଟେଡ୍ ଫୋଟୋ । କିନ୍ତୁ ଏହି ଫଟୋ ଦେଖି ସିଦ୍ଧନାଜ୍ଙ୍କ ଫ୍ୟାନ୍ମାନେ ଭଲ ପାଇବା ବର୍ଷାଇଛନ୍ତି । ଜଣେ ୟୁଜର ଫଟୋରେ କମେଣ୍ଟ କରି ଲେଖିଛନ୍ତି, ‘ଦୁହେଁ ଦୁହିଁଙ୍କ ପାଇଁ ତିଆରି ହୋଇଛନ୍ତି’ । ଏହି ଫୋଟୋରେ ଖୁବ୍ ଭଲ ଭଲ କମେଣ୍ଟ ଦେଖିବାକୁ ମିଳିଛି । ପ୍ରାୟ ୯ ହଜାରରୁ ଅଧିକ ଦର୍ଶକ ଏହି ଫୋଟୋକୁ ଲାଇକ ମଧ୍ୟ କରିଛନ୍ତି ।
View this post on Instagram
