ସନ୍ଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ‘ବିଗବସ 13’ରେ ପ୍ରତିଯୋଗୀ ରୂପେ ସାମିଲ ହୋଇଥିବା ପଞ୍ଜାବର ଲୋକପ୍ରିୟ ଅଭିନେତ୍ରୀ ସେହନାଜ ଗିଲଙ୍କୁ ନେଇ ଗୁଡନ୍ୟୁଜ ସାମ୍ନାକୁ ଆସିଛି । ବିଗବସ ପରଠୁ ସେ ମ୍ୟୁଜିକ ଭିଡିଓ ଜରିଆରେ ଦର୍ଶକଙ୍କ ମନୋରଞ୍ଜନ କରିଆସୁଛନ୍ତି । ଆଉ ଏବେ ପୁଣି ସେ ପ୍ରସ୍ତୁତ ହୋଇଯାଇଛନ୍ତି ନୂଆ ମ୍ୟୁଜିକ ଭିଡିଓ ନେଇ ଫେରିବାକୁ । ମୁଖ୍ୟ କଥା ହେଲା ଯେ ଏଥର ସେ ପପୁଲାର ରାପର ବାଦଶାହଙ୍କ ଅପକମିଂ ଗୀତରେ ନଜର ଆସିବେ ।
ଏବେ ଜାମ୍ମୁ-କଶ୍ମୀରରେ ସେହନାଜ ବାଦଶାହଙ୍କ ସହ ଗୀତ ସୁଟିଂ କରୁଛନ୍ତି । ଯାହାର ଫଟୋ ସେହନାଜ ଇନଷ୍ଟାଗ୍ରାମରେ ସେୟାର କରି ଲେଖିଛନ୍ତି – ଶୀଘ୍ର ଆସୁଛି ।
https://www.instagram.com/p/CK01xVThqTU/?utm_source=ig_web_copy_link
ବାଦଶାହ ମଧ୍ୟ ନିଜ ଇନଷ୍ଟାଗ୍ରାମରେ ସମାନ ଫଟୋ ସେୟାର କରି ଲେଖିଥିଲେ, ୟେ ଲଡକୀ ପାଗଲ ହେ ।
ସେହନାଜ ଏବଂ ବାଦଶାହଙ୍କ ଏହି ଫଟୋ ଦେଖି ପ୍ରଶଂସକମାନେ ସେମାନଙ୍କୁ ବହୁତ ପ୍ରଶଂସା କରୁଛନ୍ତି । ସେହନାଜଙ୍କ ନୂଆ ପ୍ରୋଜେକ୍ଟକୁ ନେଇ ପ୍ରଶଂସକମାନେ ବେଶ ଖୁସି ।
ପ୍ରଥମ ଥର ବାଦଶାହ ଏବଂ ସେହନାଜଙ୍କୁ ଏକ ପ୍ରୋଜେକ୍ଟରେ ଏକାଠି ଦେଖିବାକୁ ମିଳିବ ।
ପ୍ରକାଶ ଥାଉ କି, ନିକଟରେ ସେହନାଜଙ୍କ ବର୍ଥଡେ ଖୁବ୍ ଧୁମଧାମରେ ସେଲିବ୍ରେଟ କରିଥିଲେ ଟେଲି ଆକ୍ଟର ସିଦ୍ଧାର୍ଥ ଶୁକ୍ଲା । ଯାହାର ଅନେକ ଫଟୋ, ଭିଡିଓ ସୋସିଆଲ ମିଡିଆରେ ଦେଖିବାକୁ ମିଳିଥିଲା ।
