ସନ୍ଷ୍ଟାର ଟିଭି ବ୍ୟୁରୋ
ଯାଜପୁର: ରମାଦେବୀ କଲେଜ ଛାତ୍ରୀ ଝରାଫୁଲ ମୃତ୍ୟୁ ଗୁମର ଫିଟିବାରେ ଲାଗିଛି । ସିସିଟିଭି ଫୁଟେଜ ଓ ଝରାଫୁଲଙ୍କ ପିତାଙ୍କ ବୟାନ ଆଧାରରେ ରାକେଶ ସ୍ୱାଇଁଙ୍କୁ ପୋଲିସ ଖୋଜିବା ସମୟରେ ଗତକାଲି ଭୁବନେଶ୍ୱର ଏୟାରଫିଲ୍ଡ ଥାନାରେ ଆତ୍ମସର୍ମପଣ କରିଥିଲା ରାକେଶ ସ୍ୱାଇଁ । ତେବେ ରାକେଶକୁ ଭୁବନେଶ୍ୱରରୁ ଗିରଫ କରିବା ପରେ କୁଆଖିଆ ଥାନାରେ ପୋଲିସ ଅଧିକାରୀଙ୍କ ପଚରାଉଚରା କରିଛନ୍ତି । ଏହି ସମୟରେ ଝରାଫୁଲଙ୍କ ସହିତ ତାଙ୍କର ପ୍ରେମ ସଂପର୍କକୁ ସ୍ୱୀକାର କରିଛି ରାକେଶ । ଏଥିସହିତ ଗତ ୨୬ ତାରିଖ ଦିନ ଦୁହେଁ ସାଙ୍ଗ ହୋଇ ଭୁବନେଶ୍ଵରର ଏକ ହୋଟେଲରେ ରହିଥିଲେ ବୋଲି କହିଛି ରାକେଶ । ପରେ ସକାଳେ ଅଚେତ ହୋଇ ପଡିଥିବା ଦେଖି ନିଜ ବନ୍ଧୁ ଶେଖରକୁ ଡାକିଥିଲେ ରାକେଶ । ଏହାପରେ ଝରାଫୁଲଙ୍କ ମୃତ୍ୟୁ ହୋଇଥିବା ଜାଣି ତାଙ୍କୁ ଯାଜପୁରରେ ରାସ୍ତାକଡରେ ଫିଙ୍ଗି ଦେଇଥିବା କଥା ସ୍ଵୀକାର କରିଛି ଅଭିଯୁକ୍ତ ରାକେଶ ।
ତେବେ ଅପରପକ୍ଷରେ ସ୍କୁଟି ଚଳାଉଥିବା ଯୁବକ ଜଣକ ରାକେଶର ସାଙ୍ଗ ଶେଖର ବୋଲି ପୋଲିସ ସୂଚନା ଦେଇଛନ୍ତି ଓ ତାକୁ ଗିରଫ କରାଗଲେ ଏହି ମୃତ୍ୟୁ ଘଟଣାର ଗୁମର ଫିଟିବ ବୋଲି ଆଶା କରାଯାଉଛି ।
