ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ବର: ଗିରଫ ହେଲେ ଓ୍ବେବ ସାମ୍ବାଦିକ । ପୁରୀରୁ ଖଣ୍ଡଗିରି ଥାନା ପୋଲିସ ତାଙ୍କୁ ଗିରଫ କରିଛନ୍ତି । ନ୍ୟୁଜ ନାମରେ ମହିଳାଙ୍କ ଅଶ୍ଳୀଳ ଭିଡ଼ିଓ ଭାଇରାଲ କରିବା ସହିତ ବ୍ଲାକମେଲ୍ କରୁଥିବା ଅଭିଯୋଗରେ ତାଙ୍କୁ ଗିରଫ କରାଯାଇଛି । ତେବେ ସେହି ସାମ୍ବାଦିକଙ୍କ ନାମ ସୌମ୍ୟରଞ୍ଜନ ସାମନ୍ତରାୟ ହୋଇଥିବା ଜଣାପଡିଛି ।
ତେବେ କେବଳ ମହିଳା ନୁହେଁ, ବରଂ ନେତାଙ୍କଠାରୁ ଆରମ୍ଭ କରି ବ୍ୟବସାୟୀ ପର୍ଯ୍ୟନ୍ତ ସମସ୍ତଙ୍କୁ ଠକିଥିଲେ ଏହି ସାମ୍ଵାଦିକ । ବିଭିନ୍ନ ସ୍ଥାନରେ ଅଫିସ ଖୋଲି ବ୍ଲାକମେଲ କରି ଟଙ୍କା ମାଗୁଥିଲେ ।ତେବେ ତାଙ୍କ ୱେବ ଚ୍ୟାନେଲ ନାମ ‘ଦୁର୍ନୀତି ଲାଇଭ’ ହୋଇଥିବା ଜଣା ପଡିଛି । ଏହି ସମ୍ପର୍କରେ ସୂଚନା ପାଇବା ପରେ ଅଭିଯୁକ୍ତକୁ ପୁରୀରୁ ଗିରଫ କରିଛି ଖଣ୍ଡଗିରି ପୋଲିସ ।
