ସନ୍ଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ଏବେ ଭୋଟ ଦେବା ହେବ ଆହୁରି ସହଜ ।ଆଉ ଆପଣଙ୍କୁ ନିଜ ନିର୍ବାଚନ ମଣ୍ଡଳୀକୁ ଯାଇ ଭୋଟ ଦେବାକୁ ପଡିବନି ।ଖୁବ୍ଶିଘ୍ର ଆପଣଙ୍କ ଆଧାର ଓ ପାନ୍ କାର୍ଡ ପରି ଭୋଟର ଆଇଡି କାର୍ଡ ମଧ୍ୟ ଡିଜିଟାଲ ହେବାକୁ ଯାଉଛି ଯାହାଫଳରେ ଆପଣ ଦେଶର ଯେକୌଣସି ସ୍ଥାନରେ ରହି ମଧ୍ୟ ନିଜର ମନପସନ୍ଦ ପାର୍ଥୀଙ୍କୁ ଭୋଟ ଦେଇ ପାରିବେ । ଭାରତ ନିର୍ବାଚନ ଆୟୋଗ ଏବେ ଏହି କାର୍ଯ୍ୟ କରିବାକୁ ଯାଉଛନ୍ତି । ଜାତୀୟ ମତଦାତା ଦିବସ ଅବସରରେ ମୁଖ୍ୟ ଚୟନ ଆୟୁକ୍ତ ସୁନିଲ ଅରୋଡା ଏହି ବିଷୟରେ ସୂଚନା ଦେଇଛନ୍ତି ।
ଆଜି କେନ୍ଦ୍ର ମନ୍ତ୍ରୀ ରବିଶଙ୍କର ପ୍ରସାଦ ଆଜି ଭୋଟର ଆଇଡି କାର୍ଡର ଇଲେକ୍ଟ୍ରୋନିକ ଲଞ୍ଚ କରିବାକୁ ଯାଉଛନ୍ତି ।ଯାହା ମାଧ୍ୟମରେ ମୋବାଇଲ ଫୋନ କିମ୍ଵା କମ୍ପ୍ୟୁଟରରେ ଡାଉନ୍ଲୋଡ କରିହେବ । ତେବେ ଏହି ଇଲେକ୍ଟ୍ରୋନିକ ଭୋଟର ଆଇଡି କାର୍ଡକୁ ଏଡିଟ୍ (ପରିବର୍ତ୍ତନ) କରିହେବ ନାହିଁ ।
