ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ଏୟାର ଏସିଆ ନିର୍ଦ୍ଦେଶରେ ଭୁବନେଶ୍ଵର ବିଜୁ ପଟ୍ଟନାୟକ ବିମାନବନ୍ଦରରୁ ପୁନେକୁ ବିମାନ ସିଧାସଳଖ ଉଡାଣ ଭରିଛି ।ବାଣିଜ୍ୟ ପରିବହନ ବିଭାଗ ମନ୍ତ୍ରୀ ପଦ୍ମନାଭ ବେହେରା ବିଜୁ ପଟ୍ଟନାୟକ ବିମାନବନ୍ଦରରେ ଏହାର ଶୁଭାରମ୍ଭ କରିଥିଲେ ।ତେବେ ଏହି ଅବସରରେ ମନ୍ତ୍ରୀ କହିଛନ୍ତି ଯେ ଏହି ଗମନାଗମନ ସୁବିଧା ଯୋଗୁଁ ଓଡିଶାର ପର୍ଯ୍ୟଟନ ଓ ଆର୍ଥିକ କ୍ଷେତ୍ର ସମୃଦ୍ଧ ହେବ ।
ତେବେ କେବଳ ଶନିବାରକୁ ବାଦ୍ ଦେଇ ଅନ୍ୟ ସମସ୍ତ ଦିନରେ ଏୟାର ଏସିଆ ବିମାନ ପୁନେକୁ ଉଡାଣ କରିବ । ଭୁବନେଶ୍ଵରରୁ ଅପରାହ୍ନ ୧.୫୦ ରୁ ବାହାରି ପୁନେରେ ୩.୫୫ରେ ଅବତରଣ କରିବ । ସେହିପରି ବିମାନ ପୁଣି ୪.୩୫ରୁ ପୁନେରୁ ବାହାରି ଭୁବନେଶ୍ଵରରେ ୬.୪୦ରେ ପହଞ୍ଚିବ ।ତେବେ ଯାତ୍ରୀମାନେ www.airasia.com ରେ ବିମାନ ପାଇଁ ଟିକେଟ ବୁକ କରିପାରିବେ ।
