ସନ୍ଷ୍ଟାର ଟିଭି ବ୍ୟୁରୋ
କଟକ: ଆଜି ହେଉଛି ଭାରତୀୟ ସ୍ବାଧୀନତା ସଂଗ୍ରାମର ଅଦ୍ବିତୀୟ ସଂଗ୍ରାମୀ, ମହାନ୍ ଦେଶଭକ୍ତ, ଭାରତବର୍ଷର ଅନ୍ୟତମ ଶ୍ରେଷ୍ଠ ସାଧକ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ୧୨୫ତମ ଜନ୍ମ ଦିବସ । ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନେତାଜୀଙ୍କ ଜନ୍ମସ୍ଥାନ ଜାନକୀ ଭବନରେ ନେତାଜୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବେ ।
ଏହାପରେ ପୂର୍ବାହ୍ନ ୧୧.୩୦ ସମୟରେ ଖାନନଗରଠାରେ ଯଶସ୍ବୀ ବରପୁତ୍ରଙ୍କୁ ସ୍ମରଣ କରିବା ପାଇଁ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ “କଟକ ନେତାଜୀ ବସ୍ ଟର୍ମିନାଲ”ର ଭିତ୍ତିପ୍ରସ୍ତର ସ୍ଥାପନ କରିବେ । ୧୧୦୦୦ ବର୍ଗ ମିଟର ଅଞ୍ଚଳରେ ନିର୍ମାଣ ହେବାକୁ ଯାଉଥିବା ଏହି ଅନ୍ତଃରାଜ୍ୟ ବସ ଟର୍ମିନାଲରେ ପ୍ରାୟ ୧୮୦ ଟି ବସ୍ ରହିପାରିବ ଓ ୨୭୫ ଟି କାର୍ ମଧ୍ୟ ରହିପାରିବ ।
