ସନ୍ଷ୍ଟାର ଟିଭି ବ୍ୟୁରୋ
ମାଲକାନଗିରି: ମାଲକାନଗିରିରେ ସୁରକ୍ଷାକର୍ମୀଙ୍କୁ ମିଳିଛି ବଡ଼ ସଫଳତା । କାଲିମେଳା ଗୋମ୍ଫାକୋଣ୍ଡା ବନାଞ୍ଚଳକୁ ଲାଗିଥିବା ମାରିଗେଟା ଅଞ୍ଚଳରେ ବିଏସ୍ଏଫ୍ ଓ ଜିଲ୍ଲା ପୁଲିସର ମିଳିତ ଚଢାଉ ସମୟରେ ଜବତ କରିଛନ୍ତି ବିପୁଳ ପରିମାଣର ବିସ୍ଫୋରକ । ମାଲକାନଗିରି ମାରିଗେଟା ଅଞ୍ଚଳରୁ ମାଓବାଦୀ ଲୁଚାଇ ରଖିଥିବା ବିପୁଳ ପରିମାଣର ବିସ୍ଫୋରକ ଜବତ କରାଯାଇଛି ।
ଫଳରେ ମାଓବାଦୀଙ୍କ ବଡଧରଣର ଷଡ଼ଯନ୍ତ୍ର ଯୋଜନା ଫେଲ୍ ମାରିଛି । ବଡ଼ିଗେଟାରେ ଥିବା ୭୬ ବିଏସ୍ଏଫ୍ ବାଟାଲିଅନର ଯବାନମାନେ କମ୍ବିଂ ଅପରେସନ ସମୟରେ ବିସ୍ଫୋରକ ଠାବ କରିଥିଲେ । ମାଟି ତଳୁ ଜିଲେଟିନ ଷ୍ଟିକ୍, ଡିଟୋନେଟର, ବିଦ୍ୟୁତ ତାର ସହ ଅନ୍ୟ ବିସ୍ଫୋରକ ସାମଗ୍ରୀ ମିଳିଛି । ପୂର୍ବରୁ ମାଲକାନଗିରି ପୋଲିସ ସ୍ୱାଭିମାନ ଅଞ୍ଚଳକୁ ଲାଗି ରହିଥିବା ଜଙ୍ଗଲରୁ ବିପୁଳ ବିସ୍ଫୋରକ ଓ ମାଓ ସାମଗ୍ରୀ ଜବତ କରିଥିଲା । ତେବେ କିଛି ଦିନ ପୂର୍ବରୁ ୧୪ ହାଡ୍କୋର୍ ମାଓବାଦୀ ଆତ୍ମସମର୍ପଣ କରିଥିଲେ ।
