ସନ୍ଷ୍ଟାର ଟିଭି ବ୍ୟୁରୋ
ପୁଣେ: ପୁଣେସ୍ଥିତ ସେରମ୍ ଇନଷ୍ଟିଚ୍ୟୁଟ୍ରେ ହୋଇଥିବା ଅଗ୍ନିକାଣ୍ଡରେ ୫ ଜଣଙ୍କର ମୃତ୍ୟୁ ଘଟିଛି । ପୁଣେ ମେୟର ମୁରଲୀଧର ମୋହଲ ଏହି ସୂଚନା ଦେଇଛନ୍ତି । ମେୟର କହିଛନ୍ତି ଯେ ନିର୍ମାଣରତ ଚତୁର୍ଥ ଓ ପଞ୍ଚମ ମହଲାରୁ ଜଳିଯାଇଥିବା ମୃତଦେହ ଉଦ୍ଧାର କରାଯାଇଛି । ତେବେ ମୃତକମାନେ ଶ୍ରମିକ ହୋଇଥିବା ନେଇ ଅନୁମାନ କରିଛନ୍ତି ମୁରଲିଧର ।
ହେଲେ ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ଜଣା ପଡିନାହିଁ । ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ କହିଛନ୍ତି ଯେ ପ୍ରାଥମିକ ସୂଚନା ଅନୁଯାୟୀ କୋଭିଡ ଟିକା ଉତ୍ପାଦନ ସ୍ଥାନରୁ ନିଆଁ ଲାଗି ନାହିଁ । ଯେଉଁ କୋଠରୀରେ ନିଆଁ ଲାଗିଛି ସେଠାରେ ବିସିଜି ଟିକା ନିର୍ମାଣ କରାଯାଉଥିଲା । ବର୍ତ୍ତମାନ ନିଆଁକୁ ନିୟନ୍ତ୍ରଣ କରାଯାଇଛି ବୋଲି ସେ କହିଛନ୍ତି । ଏବଂ କେଉଁ କାରଣରୁ ନିଆଁ ଲାଗିଲା ତାହାର ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି ।
