ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ପିସିସି ସଭାପତି ନିରଂଜନ ପଟ୍ଟନାୟକଙ୍କୁ ଆକ୍ରମଣ ଘଟଣାରେ ଆଜି ଆଉ ୩ ଜଣକୁ ଗିରଫ କରିଛି ପୁଲିସ । ଏଥିସହ ଆକ୍ରମଣ ସମୟରେ ବ୍ୟବହାର ହୋଇଥିବା ବୋଲେରୋ ଗାଡିକୁ ମଧ୍ୟ ପୁଲିସ ଜବତ କରିଛି । ପୂର୍ବରୁ ଏହି ମାମଲାରେ ବିଜେପି ଯୁବ ମୋର୍ଚ୍ଚାର ସଦସ୍ୟ ସଂଜୟ ମହାନ୍ତିଙ୍କୁ ଗିରଫ କରାଯାଇଥିଲା ।
ସୂଚନା ଅନୁସାରେ ଗତ ୧୭ ତାରିଖ ଦିନ ପିସିସି ସଭାପତି ନିରଂଜନ ପଟ୍ଟନାୟକ କେନ୍ଦୁଝର ଫେରୁଥିବା ସମୟରେ କାଶୀପୁର ନିକଟରେ ୫-୬ ଜଣ ଦୁର୍ବୃତ୍ତ ତାଙ୍କ ଗାଡି ଅଟକାଇ ଆକ୍ରମଣ ଉଦ୍ୟମ କରିଥିଲେ । ନିରଞ୍ଜନଙ୍କ ସୁରକ୍ଷା ପାଇଁ ଡ୍ରାଇଭର ଓ ସୁରକ୍ଷାକର୍ମୀ ଆଗକୁ ଆସିବାରୁ ସେମାନଙ୍କୁ ଦୁର୍ବୃତ୍ତମାନେ ମାଡ଼ ମାରିଥିଲେ ।
ତେବେ ଏହି ଘଟଣା ପାଇଁ ବିଜେପି ଯୁବ ମୋର୍ଚ୍ଚା ଜିଲ୍ଲା ସମ୍ପାଦକ ସଞ୍ଜୟ ମହାନ୍ତିଙ୍କ ସମେତ ୫ ଜଣଙ୍କ ନାଁରେ ନାଁରେ ଟାଉନ୍ ଥାନାରେ ଏତଲା ଦେଇଥିଲେ ନିରଞ୍ଜନ ପଟ୍ଟନାୟକ ।ଥାନାରେ ଅଭିଯୋଗ ପରେ ସଞ୍ଜୟଙ୍କୁ ଗିରଫ କରିଥିଲା ପୁଲିସ ।
