ସନ୍ଷ୍ଟାର ଟିଭି ବ୍ୟୁରୋ
ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ ଏବେଠୁ ଟିଏମ୍ସି ଓ ବିଜେପି ମଧ୍ୟରେ ଛକ୍କା ପଞ୍ଝା ଆରମ୍ଭ ହୋଇଯାଇଛି । ଏହା ଭିତରେ ଆଗାମୀ ବିଧାନସଭା ନିର୍ବାଚନରେ ମମତା ବାନାର୍ଜୀ ନନ୍ଦିଗ୍ରାମରୁ ନିର୍ବାଚନ ଲଢିବେ ବୋଲି ସୂଚନା ମିଳିଛି । ପଶ୍ଚିମବଙ୍ଗ ବିଧାନସଭା ନିର୍ବାଚନକୁ ଆଉ ୩ରୁ ୪ ମାସ ବାକି ଥିବା ବେଳେ ମମତାଗଡରେ ଆରମ୍ଭ ହୋଇଗଲାଣି ମହାପ୍ରସ୍ତୁତି । କୁରୁକ୍ଷେତ୍ରରେ କଡା ଟକ୍କର ଦେବାକୁ ବିଭିନ୍ନ ଦଳର ରଣଣୀତି ପ୍ରସ୍ତୁତ ହେଉଥିବା ବେଳେ ବିଜେପି ଓ ଟିଏମସି ପକ୍ଷରୁ ଆରମ୍ଭ ହୋଇଛି ମାରାଥନ ଜନସଭା । ବିଭିନ୍ନ ସ୍ଥାନରେ ରାଜନୈତିକ ସଭା କରି ଲୋକଙ୍କୁ ନିଜ କଥା କହୁଥିବା ବେଳେ ଆଜି ନନ୍ଦିଗ୍ରାମରେ ଏକ ବିଶାଳ ସଭା କରି ଉକ୍ତ ଆସନରୁ ସେ ଛିଡା ହେଉଥିବା ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ମମତା ।
