ସନ୍ଷ୍ଟାର ଟିଭି ବ୍ୟୁରୋ
ମୁମ୍ଵାଇ: ଅଯୋଧ୍ୟାରେ ନିର୍ମାଣ ହେଉଛି ଭବ୍ୟ ରାମ ମନ୍ଦିର । ଲକ୍ଷ ଲକ୍ଷ ଟଙ୍କାର ବ୍ୟୟବରାଦରେ ନିର୍ମିତ ହେବ ଏହି ରାମ ମନ୍ଦିର । ରାମ ମନ୍ଦିରର ଭବ୍ୟ ନିର୍ମାଣ ପାଇଁ ବଲିଉଡ୍ ଜଗତର ଖିଲାଡି ଷ୍ଟାର ଅକ୍ଷୟ କୁମାର ରବିବାର ଦିନ ଅର୍ଥରାଶି ଦାନ କରିଛନ୍ତି । ଏନେଇ ନିଜେ ଅକ୍ଷୟ ସୋସିଆଲ ମିଡିଆରେ ଏକ ଭିଡିଓ ଶେୟାର କରି ସୂଚନା ଦେଇଛନ୍ତି ।
ଅକ୍ଷୟ କୁମାର ଟ୍ବିଟରରେ ରବିବାର ପ୍ରାୟ ୧ ମିନିଟ୍ ୫୦ ସେକେଣ୍ଡର ଏକ ଭିଡିଓ ଶେୟାର କରି ରାମ ମନ୍ଦିର ପାଣ୍ଠି ସଂଗ୍ରହ ଅଭିଯାନରେ ସାମିଲ ହେବାକୁ ଦେଶବାସୀଙ୍କୁ ଅନୁରୋଧ କରିଛନ୍ତି ।
ଭିଡିଓ ସେୟାର କରି ଖିଲାଡି ଲେଖିଛନ୍ତି, “ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ଭବ୍ୟ ମନ୍ଦିର ନିର୍ମାଣ କାର୍ଯ୍ୟ ଆରମ୍ଭ ହୋଇଛି । ଏହା ବହୁତ ଖୁସିର କଥା। ବର୍ତ୍ତମାନ ଯୋଗଦାନ ଦେବା ପାଳି ଆମ ମାନଙ୍କର । ମୁଁ ଆରମ୍ଭ କରିଛି, ଆପଣମାନେ ବି ଏହି ଅଭିଯାନରେ ସାମିଲ ହେବେ ବୋଲି ମୋର ଆଶା। ଜୟ ଶ୍ରୀରାମ ।”
ଏଥିସହିତ ଶେୟାର କରିଥିବା ଭିଡିଓରେ ଅକ୍ଷୟ କୁମାର ରାମାୟଣର ଏକ କାହାଣୀ କହିଛନ୍ତି ଓ ରାମସେତୁ ନିର୍ମାଣରେ ବାନରମାନଙ୍କ ପରି ରାମ ମନ୍ଦିର ନିର୍ମାଣରେ ଲୋକମାନଙ୍କ ଭୂମିକା ନିର୍ବାହ କରିବାକୁ ଅନୁରୋଧ କରିଛନ୍ତି । ଯାହା ଏବେ ସୋସିଆଲ ମିଡିଆରେ ଖୁବ ଭାଇରାଲ ହେଉଛି ।
बहुत खुशी की बात है कि अयोध्या में हमारे श्री राम के भव्य मंदिर का निर्माण शुरू हो चूका है…अब योगदान की बारी हमारी है l मैंने शुरुआत कर दी है, उम्मीद है आप भी साथ जुड़ेंगे l जय सियाराम 🙏🏻 pic.twitter.com/5SvzgfBVCf
— Akshay Kumar (@akshaykumar) January 17, 2021
