ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ବରିଷ୍ଠ ଚଳଚିତ୍ର ସାମ୍ବାଦିକ ତଥା ‘ବାଣୀଚିତ୍ର’ ର ପ୍ରତିଷ୍ଠାତା ସମ୍ପାଦକ ପରୀକ୍ଷିତ ଜେନାଙ୍କ ଆକସ୍ମିକ ବିୟୋଗରେ “ଓଡିଆ ସିନେକ୍ରିଟିକ୍ ଆସୋସିଏସନ” ଏବଂ “ସଂସ୍କୃତି ଓ ସଂସ୍କୃତି” ଏକ ଶୋକ ସଭା ବୁଦ୍ଧ ମନ୍ଦିର ପରିସର ମଧ୍ୟରେ ଅନୁଷ୍ଠିତ ହୋଇଯାଇଛି । ଏଥିରେ ବକ୍ତାମାନେ ଦୀର୍ଘ ଅର୍ଦ୍ଧଶତାଦ୍ଦୀ ବ୍ୟାପୀ ଓଡିଆ ଚଳଚ୍ଚିତ୍ର ସାମ୍ବାଦିକତା କ୍ଷେତ୍ରରେ ପରୀକ୍ଷିତ ବାବୁଙ୍କର ନିରବଚ୍ଛିନ୍ନ ଅବଦାନ ସମ୍ପର୍କରେ ଆଲୋଚନା କରି ତାଙ୍କ ସ୍ମୃତି ପ୍ରତି ଗଭୀର ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ‘ବାଣୀଚିତ୍ର’ କୁ ଏକ ଅଗ୍ରଣୀ ଚଳଚିତ୍ର ପତ୍ରିକା ରୂପେ ପ୍ରତିଷ୍ଠିତ କରିବା ଦିଗରେ ସେ ଯେଉଁ ଅବଦାନ ଦେଇଯାଇଛନ୍ତି, ତାହା ସ୍ମରଣୀୟ ହୋଇ ରହିବ ବୋଲି ସେମାନେ ମତପ୍ରକାଶ କରିଥିଲେ । ଅନ୍ୟମାନଙ୍କ ମଧ୍ୟରେ ସର୍ବଶ୍ରୀ ପ୍ରଦୋଷ ପଟ୍ଟନାୟକ , ଦିଲ୍ଲୀପ ହାଲି, ରବୀନ୍ଦ୍ର ବିଶ୍ୱାଳ ,ଲୁଟୁ ମହାନ୍ତି , ଶ୍ରୀଧର ମାର୍ଥା , ଅତିଶ ରାଉତ , ଡଃ ରଜନୀ ରଞ୍ଜନ , ଲୋକନାଥ ଦାସ , ସମୀର ରାଉତ ପ୍ରମୁଖ ଶ୍ରଦ୍ଧାସୁମନ ଅର୍ପଣ କରିଥିଲେ ।
