ସନ୍ଷ୍ଟାର ଟିଭି ବ୍ୟୁରୋ
ଛତ୍ରପୁର: ଗୋଟିଏ ସ୍ଥାନରେ ଗୋଟିଏ ଦିନରେ ୩ ଦୁର୍ଘଟଣା ।ଛତ୍ରପୁରରେ ଗ୍ୟାସ୍ ଟ୍ୟାଙ୍କର ଓଲଟିଥିବା ସ୍ଥାନରେ ପୁଣି ଘଟିଛି ଏକ ଦୁର୍ଘଟଣା ।ଛତ୍ରପୁର ତାମ୍ପରା ନିକଟରେ ୧୬ ନମ୍ବର ଜାତୀୟ ରାଜପଥରେ ଟ୍ରକ ପାର୍କିଂ କରିବା ସମୟରେ ଟ୍ରକଟି ଓଲଟି ପଡିଛି । ଫଳରେ ଡ୍ରାଇଭର ମୃତ ଘଟିଛି ।
ତେବେ ସକାଳେ ସେହି ସ୍ଥାନରେ ଗ୍ୟାସ ଟାଙ୍କର ଓଲଟି ପଡିଥିଲା । ଏହାର ତଦାରଖ ପାଇଁ ଘଟଣା ସ୍ଥଳକୁ ଆସିଥିବା ଏକ ପୁଲିସ୍ ଭ୍ୟାନ୍ ଫେରିବା ସମୟରେ ବାଇକ ଚାଳକ ସାମ୍ନାକୁ ଆସିଯିବା ଯୋଗୁଁ ପୁଲିସ୍ ଭ୍ୟାନ୍ ଚାଳକ ଗାଡିକୁ ହଠାତ ବୁଲାଇ ଦେଇଥିଲେ । ଫଳରେ ଗାଡିଟି ଓଲଟି ପଡିଥିଲା । ଗାଡିଟି ଓଲଟି ପଡ଼ିବାରୁ ୫ ଜଣ ପୋଲିସ କର୍ମଚାରୀ ଆହାତ ହୋଇଥିଲେ ।ସେମାନଙ୍କ ମଧ୍ୟରୁ ଜଣେ ଗୁରୁତର ହେବାରୁ କଟକ ସ୍ଥାନାନ୍ତର କରାଯାଇଥିଲା ଓ ଅନ୍ୟ ୪ ଜଣଙ୍କୁ ଏମ୍କେସିଜିରେ ଭର୍ତ୍ତି କରାଯାଇଛି ।
ତେବେ ଗୋଟିଏ ସ୍ଥାନରେ ବାରମ୍ବାର ଦୁର୍ଘଟଣା ଘଟିଥିବାରୁ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଯାଇଛି ।
