ସନ୍ଷ୍ଟାର ଟିଭି ବ୍ୟୁରୋ
ଗତକାଲି ଭାରତୀୟ କ୍ରିକେଟ୍ ଦଳର ଅଧିନାୟକ ବିରାଟ କୋହଲି ଓ ଅଭିନେତ୍ରୀ ଅନୁଷ୍କା ଶର୍ମା ଏକ କନ୍ୟା ସନ୍ତାନର ପିତାମାତା ସାଜିଛନ୍ତି । ଏବେ ଏହି ଖୁସି ଖବର ପାଇଁ ବିରୁଷ୍କାଙ୍କୁ ତାଙ୍କ ପରିବାର, ସଂପର୍କୀୟ, ବନ୍ଧୁ ଓ ସାରା ବଲିଓଡ୍ ତଥା କ୍ରିକେଟ୍ ଜଗତରୁ ଏବଂ ଫ୍ୟାନ୍ସ ମାନଙ୍କ ପାଖରୁ ଶୁଭେଚ୍ଛାର ସୁଅ ଛୁଟିଛି। ସମସ୍ତେ ଅପେକ୍ଷା କରିଛନ୍ତି ବିରୁଷ୍କାଙ୍କର କନ୍ୟାର ଏକ ଫଟୋ ଦେଖିବା ପାଇଁ। ତେବେ, ବିରାଟଙ୍କ ବଡ଼ ଭାଇ ବିକାଶ କୋହଲି ପ୍ରଶଂସକ ଉଦ୍ଦେଶ୍ୟରେ ତାଙ୍କ ଝିଆରୀର ପାଦର ଫଟୋ ଉଠାଇ ଇନ୍ଷ୍ଟାଗ୍ରାମ୍ରେ ପୋଷ୍ଟ କରିଛନ୍ତି । ବିକାଶ ସେୟାର୍ କରିଥିବା ଫଟୋରେ ବିରାଟଙ୍କ ଝିଅର କୁନି ପାଦଟିକୁ ଦେଖିବାକୁ ମିଳିଛି। ସେ ତାଙ୍କ ପୋଷ୍ଟ୍ରେ ଲେଖିଛନ୍ତି ଘରେ ପରୀର ପ୍ରବେଶ। ଏହା ବ୍ୟତୀତ ସେ ଫଟୋରେ ସ୍ଵାଗତମ ବୋଲି ମଧ୍ୟ ଲେଖିଛନ୍ତି।
ଏହି ପୋଷ୍ଟ୍ରେ ଅନେକ ସୋସିଆଲ୍ ମିଡିଆ ୟୁଜର୍ସ ଏବଂ ବିରୁଷ୍କାଙ୍କ ଫ୍ୟାନ୍ସ ବିରାଟଙ୍କୁ ବାପା ହେବା ପାଇଁ ଓ ବିକାଶଙ୍କୁ ବଡ଼ବାପା ହୋଇଥିବା କାରଣରୁ ଅଭିନନ୍ଦନ ଜଣାଇଛନ୍ତି।
View this post on Instagram
